Міжнародны крымінальны суд (МКС) выдаў ордар на арышт экс-міністра абароны Расеі Сяргея Шайгу і начальніка Генштаба Валерыя Герасімава. Пра гэта паведамляецца на сайце суда.
Паводле суда, Шайгу і Герасімаў нясуць адказнасць за ваенныя злачынствы: нанясенні ўдараў па грамадзянскіх абʼектах, прычыненне празмернай выпадковай шкоды грамадзянскаму насельніцтву, аддачу загаду аб здзяйсненні злачынстваў і няздольнасць ажыццяўляць належны кантроль над сіламі, якія знаходзяцца пад іх камандаваннем.
«Другая Палата папярэдняй вытворчасці палічыла, што ёсць разумныя падставы меркаваць, што двое падазраваных нясуць адказнасць за ракетныя ўдары, нанесеныя расійскімі ўзброенымі сіламі па ўкраінскай электраэнергетычнай інфраструктуры ў перыяд як мінімум з 10 кастрычніка 2022 года па меншай меры 9 сакавіка 2023 года. На працягу гэтага часу, у прыватнасці, вялікая колькасць удараў па шматлікіх электрастанцыях і падстанцыях была нанесена расійскімі ўзброенымі сіламі ў розных пунктах Украіны», — гаворыцца ў паведамленні.
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары