Vyjavili navat dźvie falšyvyja maniety.
Biełaruskija banki ŭ I kvartale vyjavili 186 padroblenych hrašovych znakaŭ, ź jakich 184 — banknoty i 2 — maniety, paviedamiŭ Nacbank.
Bolšaja častka falšyvak — heta padrobki dalaraŭ (84%). Dola padroblenych rasijskich rubloŭ skłała 8,6%, jeŭra — 5,4%, biełaruskich rubloŭ — 1,6%.
U paraŭnańni ź pieršym kvartałam 2023 hoda ahulnaja kolkaść padrobak pavialičyłasia na 27,4%.
Kolkaść padroblenych dalaraŭ pavialičyłasia na 29,8%, rasijskich rubloŭ — u 2,7 razy. Jeŭra — źmienšyłasia na 41,2%.
Kolkaść padrobak biełaruskich rubloŭ pavialičyłasia na adnu štuku.
Pry hetym padroblenyja rasijskija rubli vyjaŭlalisia tolki naminałam 5000 rubloŭ. U paraŭnańni z I kvartałam 2023 hoda kolkaść takich banknot vyrasła ŭ 3,2 razu. Padrobki banknot jeŭra byli adzinkavymi.
Padroblenych biełaruskich rubloŭ naminałam 100 rubloŭ było vyjaŭlena tolki try štuki. Usie jany byli vyrableny bieź imitacyi elemientaŭ abarony.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary