Vosiem hadoŭ tamu hubazikaviec skraŭ ź siejfa 270 tysiač dalaraŭ. Historyja atrymała niestandartny praciah

Mužčynu abvinavačvajuć u tym, što 8 studzienia 2017 hoda jon vykraŭ amal 270 tysiač dalaraŭ ź siejfa z rečavymi dokazami. Paźniej vyśvietliłasia, što jon źjechaŭ u Rumyniju, bo ŭ jaho byŭ pašpart hetaj krainy. Zatym Biełaruś praź Interpał abviaściła jaho ŭ vyšuk, mužčynu zatrymali, ale sud Rumynii admoviŭsia vydavać svajho hramadzianina. Z taho času pra žyćcio Jakimienki praktyčna ničoha nie viadoma. Adnak, pakorpaŭšysia ŭ archivach, «Lusterka» adšukała cikavy dakumient, jaki raskryvaje niekatoryja detali historyi eks-hubazikaŭca.

@nashaniva Siłavik skraŭ ź siejfa HUBAZiKa $270 000 i źbieh u Rumyniju #našaniva #minsksiejčas #minsk #niedvižimosť #biełaruś #novostibiełarusi ♬ Criminals - F.O.O.L

Pakapaŭšysia ŭ archivie rumynskaha instytuta pravavoj infarmacyi, žurnalisty znajšli prysud Bucharesckaha apielacyjnaha suda ad 14 červienia 2018 hoda nakont departacyi žonki eks-hubazikaŭca. Takoje patrabavańnie vystavili da Rumynii biełaruskija ŭłady.

U dakumiencie nie paznačany poŭnyja imia i proźvišča žančyny, pryvodziacca tolki pieršyja litary — V. N. (u adnym ź miescaŭ tekstu prysudu vidać zakančeńnie jaje proźvišča — yeva). Viadoma, što jana hramadzianka Biełarusi, jakaja naradziłasia 16 krasavika 1988 hoda (heta značyć ciapier joj 36 hadoŭ).

Na pasiadžeńni žančyna raspaviała, što jaje muž — padpałkoŭnik milicyi, jaki źjechaŭ ź Biełarusi, jaki atrymaŭ hramadzianstva. U prysudzie, darečy, paznačana, što eks-hubazikaviec atrymaŭ hramadzianstva pavodle pastanovy rumynskaha suda. Adnak z dakumienta nie jasna, kali mienavita — da abo paśla adjezdu ź Biełarusi.

Taksama ŭ sudzie vyśvietliłasia, što para ažaniłasia ŭ Rumynii i tut ža naradziŭsia i ich syn. Biełaruska padała sudu paśviedčańni ab šlubie i naradžeńni syna, i tyja byli vydadzieny ŭ Buchareście. Praŭda, kali mienavita, u prysudzie nie havorycca.

Čamu ž biełaruskija ŭłady raptam zapatrabavali vydačy žonki eks-hubazikaŭca? Prakuratura Maskoŭskaha rajona Minska paviedamiła rumynskamu boku, što biełarusku abvinavačvali ŭ parušeńni dvuch artykułaŭ Kryminalnaha kodeksa Biełarusi: č. 2 art.205 (kradziež, učynieny paŭtorna, albo hrupaj asob, albo z praniknieńniem u žyllo) i č. 2 art. 209 (machlarstva, učynienaje paŭtorna albo hrupaj asob).

Pa źviestkach viedamstva, žančyna «13 i 15 studzienia 2015 hoda sumiesna ź inšymi asobami na padstavie akazańnia intymnych pasłuh vykrała ŭ niekalkich paciarpiełych asob hrošy na dva miljony biełaruskich rubloŭ (suma pakazanaja da denaminacyi, a pa kursie Nacbanka na 15 studzienia 2015 hoda jana była roŭnaja 133 dalaram)».

Rumynskamu sudu žančyna zajaviła, što nie zhodnaja z abvinavačvańniami, a «ŭsia hetaja historyja była padstrojena, bo jaje muž, hramadzianin Biełarusi, sprabavaŭ dapamahčy apazicyi, pieradajučy joj infarmacyju ŭ jakaści padpałkoŭnika milicyi».

Jana taksama skazała, što jaje muž «chacieŭ pajechać u ZŠA, kab rastłumačyć palityčnuju situacyju ŭ Respublicy Biełaruś, a mienavita toje, što milicyja zmahajecca z apazicyjaj».

Biełaruskaja apazicyja ž, jak zajaviła žonka eks-hubazikaŭca, «zmahajecca za demakratyčnaje hramadstva i za adchileńnie ad ułady prezidenta Łukašenki».

U krasaviku 2017 hoda Tut.by paviedamlaŭ, što padazravany ŭ kradziažy hrošaj ź siejfa HUBAZiK eks-supracoŭnik byŭ zatrymany ŭ adnym z rumynskich aeraportaŭ pry sprobie vyletu ŭ ZŠA, ale jaho adpuścili, pakolki jon źjaŭlaŭsia hramadzianinam Rumynii.

Taksama z prysudu možna daviedacca, što biełaruska mieła dazvoł na časovaje pražyvańnie ŭ Rumynii dla zamiežnikaŭ sa statusam uciekača. Dakumient byŭ sapraŭdny da 13 krasavika 2021 hoda (nahadajem, sud ab ekstradycyi adbyŭsia ŭ 2018-m).

Jana taksama paviedamiła sudu, što ŭ 2018 hodzie była studentkaj litaraturnaha fakulteta Bucharesckaha ŭniviersiteta. Na pasiadžeńni žonka eks-siłavika kazała, što «joj padabajecca žyć u Rumynii, u jaje šmat siabroŭ, jak rumynskich, tak i zamiežnych».

U vyniku Apielacyjny sud Bucharesta admoviŭ uładam Biełarusi ŭ vydačy žančyny. Pryčynaj stała toje, što ŭ Biełarusi jaje «žyćcio abo svaboda buduć pad pahrozaj, jana budzie padvierhnutaja katavańniam, biesčałaviečnamu i źnievažajučamu hodnaść abychodžańniu».

Taksama Rumynski sud kanstatavaŭ «sistematyčnyja parušeńni pravoŭ čałavieka, nievykanańnie asnoŭnych sudovych i pazasudovych harantyj, a taksama nieadnarazovyja złoŭžyvańni z boku biełaruskich uładaŭ u dačynieńni da asob, jakija znachodziacca pad kryminalnym pieraśledam abo źviazanych z palityčnaj apazicyjaj».

• 43
• 0
• 33
• 0
• 7
• 0
• 5
• 0