U vyniku rakietnaha ŭdaru rasijan 8 lipienia ŭ Kijevie było zafiksavana traplańnie ŭ pamiaškańnie Nacyjanalnaj dziciačaj śpiecyjalizavanaj balnicy «Achmatdziet», tam jość paciarpiełyja. Pra heta paviedamiŭ kiraŭnik Kijeva Vital Kličko.
Dyrektar dziciačaha centra Uładzimir Žoŭnir taksama paćvierdziŭ, što byŭ prylot u adzin z karpusoŭ balnicy. Ciapier tam arhanizujuć evakuacyju i pierajezd usich, chto byŭ u pamiaškańni. Pa danych UP, u špitali jość paciarpiełyja.
U centry razburanyja apieracyjnyja, u momant abstrełu tam prachodzili dźvie apieracyi, pišuć u sacsietkach.
Pacyjentaŭ evakujujuć u kamunalnyja balnicy horada, paviedamiŭ Kličko.
Jak piša Uładzimir Zialenski, rasijanie siońnia «masiravana atakavali rakietami Ukrainu». «Roznyja harady: Kijeŭ, Dniepr, Kryvy Roh, Słaviansk, Kramatorsk. Bolš za 40 rakiet roznych typaŭ. Paškodžanyja žyłyja damy, infrastruktura i dziciačaja balnica», — napisaŭ Zialenski.
Na hety momant viadoma pra 5 zahinułych u Kijevie i 10 — u Kryvym Rozie.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary