U Zelvie zładzili prapahandyscki konkurs da 80-hodździa vyzvaleńnia Biełarusi. Najbolšym kreatyvam ździvili słonimcy FOTAFAKT
Aficyjnaje śviatkavańnie 80-hodździa vyzvaleńnia Biełarusi ad niamieckaj akupacyi ŭ 1944 hodzie nabyvaje časam zusim vyčvarnyja formy. Tak, u Zelvie 13 lipienia praviali spabornictva «Płavajem na čym daviadziecca», a abaviazak pry hetym mieć samarobny płavalny srodak, vykanany na temu «80 hadoŭ vyzvaleńnia Biełarusi ad niamiecka-fašysckich zachopnikaŭ», vyklikaŭ chvalu dzivosnaha, choć zvyčajna i sumnieŭnaj jakaści kreatyvu.
Pieramožcaŭ konkursu buduć vyznačać anłajn-hałasavańniem, jakoje maje prajści z 15 pa 19 lipienia. Vyznačać ich buduć u niekalkich naminacyjach: samaje aryhinalnaje techničnaje rašeńnie, najlepšaje afarmleńnie płaŭsrodka, najlepšaje pradstaŭleńnie kamandy, samaje aryhinalnaja nazva płaŭsrodka, najlepšaje muzyčnaje supravadžeńnie i Hran-pry.
Aficyjnaj naminacyi za najbolšuju trešavaść u praviłach konkursu nie praduhledžana, ale kab jana była, to na hałoŭny pryz niesumnienna mahła b pretendavać kamanda sa Słonimskaha rajona. Jaje varyjant čamuści, praŭda, nie ŭvajšoŭ u ahlad, zrobleny zelvienskaj rajonkaj, ale kreatyvam ziemlakoŭ pachvalilisia ŭ sacsietkach Słonimskaha rajvykankama.
Zrešty, inšyja ŭdzielniki konkursu taksama pradstavili varyjanty, vartyja ŭvahi.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary