Kruty vykazaŭ spačuvańni rodnym zahinułych padčas urahanu. Ale nie Łukašenka
Padčas siońniašniaj pajezdki pa rajonach Homielskaj vobłaści, paciarpiełych ad mocnaha ŭrahanu 13-14 lipienia, kiraŭnik administracyi Łukašenki Dźmitryj Kruty siarod inšaha vykazaŭ spačuvańni rodnym i blizkich tych ludziej, jakija zahinuli ŭ roznych rehijonach Biełarusi padčas urahanu.
«Tak, pieršyja naviny pryjšli sumnyja — pra zahinułych, siarod jakich i dzieci. Heta vialikaja strata, prynosim ščyryja spačuvańni rodnym i blizkim. Chutčejšaha vyzdaraŭleńnia žadajem paciarpiełym hramadzianam, mnohija ź jakich atrymali ciažkija traŭmy, i našy daktary robiać usio mahčymaje, kab ludzi chutčej adnavilisia», — zajaviŭ Kruty.
Nahadajem, što padčas mocnaj bury ŭ hetyja vychadnyja ŭ Biełarusi zahinuli šeść čałaviek, u tym liku dvoje dziaciej. Vykazanyja Krutym u sieradu spačuvańni — faktyčna pieršyja, jakija prahučali z vusnaŭ vysokich čynoŭnikaŭ ź Minska. Dahetul spačuvańni zahinułym 15 lipienia vykazvaŭ staršynia Homielskaha abłasnoha vykanaŭčaha kamiteta Ivan Krupko.
Charakterna, što siońnia Dźmitryj Kruty taksama adrazu pajechaŭ nie ŭ paciarpiełyja rajony, a ŭ pamiatnuju zonu «Rubiež» na miažy Lelčyckaha i Žytkavickaha rajonaŭ, dzie ŭskłaŭ kvietki da miemaryjalnaha znaku ŭ honar voinaŭ-vyzvalicielaŭ. Taksama dla Krutoha praviali ekskursiju, padčas jakoj raspaviali pra partyzanski ruch, akupacyju i apieracyju «Bahracijon».
Aceńvajučy, jak padkreślivajecca, pa daručeńni Łukašenki chod vykanańnia adnaŭlenčych rabot, Dźmitryj Kruty zrabiŭ akcent na toje, što «siońnia paniki ŭ rajonach, paciarpiełych paśla navalničnaha frontu, niama».
Kruty prybyŭ u paciarpiełuju ad urahanu Homielščynu. Pierš za ŭsio jon pajechaŭ na ekskursiju ŭ muziej partyzan
«Siadzieli bieź internetu i razhadvali skanvordy». Žychary Homielščyny raskazali, jak pieražyli nastupstvy stychii
Mazyrskija ŭłady pryznali, što pieraboi z vodazabieśpiačeńniem u horadzie zastajucca
Bolš za 100 vajskoŭcaŭ adpravili ŭ Mazyr i Lelčycy dla likvidacyi nastupstvaŭ urahanu
Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»23
Kamientary