10 lipienia adbyŭsia druhi tur, a 20 lipienia prajšła inaŭhuracyja, paśla jakoj Łukašenka aficyjna ŭstupiŭ na pasadu.
Z taho času jon aficyjna pieramahaŭ na vybarach jašče piać razoŭ: u 2001-m, 2006-m, 2010-m, 2015-m i 2020-m hadach.
Pryčym abviaščeńnie vynikaŭ u 2006-m, 2010-m i 2020-m pryvodziła da pratestaŭ.
Falsifikacyja vynikaŭ vybaraŭ u 2020 hodzie pryviała da niečuvanych šyrokich pratestaŭ, jakija doŭžylisia niekalki miesiacaŭ.
U adkaz ułady razharnuli masavyja represii, dziasiatki tysiač ludziej prajšli praz administracyjnyja aryšty i štrafy, tysiačy — praź SIZA i kałonii, dziasiatki tysiač, kali nie sotni tysiač byli vymušanyja emihravać.
Pavodle «Viasny», pa stanie na 20 lipienia 2024 hoda, u Biełarusi 1378 palitviaźniaŭ, jakija znachodziacca na dadzieny momant u kałonijach, turmach, SIZA ci na chimii.
Prajekt Dissidentby piša ab 1486 palitviaźniach (u tym liku 186 žančyn i 4 niepaŭnaletnich)
Łukašenka, darečy, daloka nie rekardsmien u kiravańni krainaj.
Prezident Ekvataryjalnaj Afryki Teadora Abijanh Nhiema Mbasoha kiruje svajoj krainaj 45 hadoŭ z 1979 hoda, prezident Kamieruna Pol Bija — 42 hady (z 1982 hoda).
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary