«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu
Prapahandystka Ludmiła Hładkaja patłumačyła, čamu nie budzie abiacanaha joju repartaža z adkrytaha suda nad niemcam Rykam Kryhieram, asudžanym u Biełarusi da śmiarotnaha pakarańnia, i raskazała niekatoryja akaličnaści jaho spravy.
Pavodle Hładkaj, nie paźniej za 20 vieraśnia 2023 hoda połk Kalinoŭskaha (jana jaho nie nazyvaje, ale, imavierna, maje na ŭvazie pad farmuloŭkaj «niedapołk») «ŭciahnuŭ» Kryhiera «jak niepasrednaha vykanaŭcu złačynstvaŭ u Respublicy Biełaruś, u tym liku teraktu pad ich kiraŭnictvam».
«20 vieraśnia niemiec paćvierdziŭ hatoŭnaść pracavać na ŭkrainskija śpiecsłužby, ździajśniać terakty ŭ składzie złačynnaj hrupy suprać nacyjanalnaj biaśpieki Biełarusi», — piša Hładkaja.
U Biełaruś Kryhier zajechaŭ turystam 2 kastryčnika 2023-ha, pavodle prapahandystki, z telefonami i bieśpiłotnikam.
Jana ŭdakładniaje, što pavodle zadańnia, jakoje Kryhier nibyta atrymaŭ ad SBU, jon pavinien byŭ «pravieści ŭ Asipovičach raźviedku i fatahrafavańnie abjektaŭ pa kaardynatach».
Zatrymany Kryhier byŭ 13 kastryčnika 2023-ha.
Kryhiera abvinavačvali pavodle častki 3 artykuła 289 — «akt teraryzmu», art. 358 zaŭv. 1 — «ahienturnaja dziejnaść», art. 133 — «najomnictva», č. 3 art. 361 zaŭv. 1 — «stvareńnie ekstremisckaha farmiravańnia albo ŭdzieł u im», č. 4 art. 295 — «niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ» i pa č. 4 art. 309 — «naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin».
«Ruskaj [movy] nie viedaje, tamu ŭ sudzie byŭ pierakładčyk, konsulskaja dapamoha zabiaśpiečanaja», — dadaje Hładkaja.
Prysud — śmiarotnaje pakarańnie — byŭ abvieščany miesiac tamu. Potym prajšło abskardžvańnie.
Što mienavita zrabiŭ Kryhier na terytoryi Biełarusi, za što jaho prysudzili da rasstrełu, tak i nie viadoma.
Hładkaja, jakaja apublikavała dniami fotku z zały suda, patłumačyła, čamu tak i nie zrabiła repartaž z adkrytaha suda nad Kryhieram.
«Publikacyju, pryznajusia, prytrymała śpiecyjalna, kab pahladzieć na reakcyju bčb-ahientury i inšych prazachodnich prakładak. Čakana, što hučniej za ŭsich, navat za niamieckija ŚMI, zavieraščali sietkavyja resursy, pryznanyja ŭ Biełarusi ekstremisckimi. I ni adna (adzin/adno) z hetych klikuš nie asudziła prosta dzičełyja złačynstvy terarysta. Ja ŭžo nie kažu pra kiłamietr niedakładnaściaŭ i chłuśni», — napisała Hładkaja, tak i nie patłumačyŭšy, jakija mienavita «dzičełyja złačynstvy» ździejśniŭ niemiec.
Łatuška: pryhavoranaha da rasstrełu Kryhiera mohuć abmianiać na supracoŭnika FSB Krasikava
Niemiec, prysudžany da rasstrełu, datyčny da dyviersij? Voś što za historyja heta mahła być
Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»
Što viadoma pra sudździu i prakurorku, jakija vynieśli śmiarotny prysud hramadzianinu Hiermanii
Z-kanał: Imavierna, Kryhier arhanizoŭvaŭ dyviersii ŭ Branskaj vobłaści
MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi
Ci možna ŭ Biełarusi prysudzić da rasstrełu zamiežnika? Adkazvajuć jurysty
Połk Kalinoŭskaha admaŭlaje datyčnaść Ryka Kryhiera da padraździaleńnia
Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
Hramadzianina Hiermanii prysudzili ŭ Biełarusi da rasstrełu
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki13
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Pa jaje słovach Kryhier chacieŭ sfatahrafavać niešta ŭ Asipovičach .
A Nadiežda Savčienko v 2014 popała v Rośsiju "v kačiestvie biežienki", aha.