Vyznačylisia patencyjnyja supierniki minskaha «Dynama» ŭ 3-m raŭndzie kvalifikacyi jeŭrakubkaŭ. I heta raduje
Siońnia ŭ Ńjonie adbyvajecca losavańnie treciaha raŭndu kvalifikacyi jeŭrakubkaŭ.
Pieramožca dvuchmatčavaha supraćstajańnia «Dynama-Minsk» — «Łudahorac» u nastupnym raŭndzie Lihi čempijonaŭ sustreniecca ź pieramožcam pary «Linkoln» (Hibrałtar) — «Karabach» (Azierbajdžan). Matčy zapłanavanyja na 6-7 i 13 žniŭnia.
Kamanda, što prajhraje, sustreniecca ź niaŭdačnikam pary «Linkoln» — «Karabach». Matčy projduć 8 i 15 žniŭnia.
Tak što ŭ biełaruskaha kłuba niebłahija šancy narešcie trapić u hrupavy raŭnd jeŭrakubkaŭ. Bo ŭ vypadku parazy ad «Łudahorca», kali ŭ trecim raŭndzie prajści «Linkaln», to jeŭrakubkavaja vosień — hrupa Lihi Jeŭropy ci Lihi kanfierencyj — harantavanaja. U hrupavym raŭndzie jeŭrakubkaŭ biełarusy nie hulali z 2018 hoda.
Vynas «Łudahorca» harantuje jak minimum hrupu Lihi kanfierencyj.
Pieršy matč «Dynama» — «Łudahorac» projdzie ŭ hetu sieradu ŭ Bałharyi. Hulnia ŭ adkaz — 31 lipienia.
A 15-j projdzie losavańnie treciaha raŭndu Lihi kanfierencyj, dzie patencyjnych supiernikaŭ daznajecca para «Nioman» (Hrodna) — «ČFR» (Kłuž).
Nahadajem, što žodzinskaje «Tarpieda-BiełAZ» i «Isłač» vylecieli ŭ pieršym raŭndzie kvalifikacyi Lihi kanfierencyj.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy14
Kamientary