Pavieł Duraŭ zajaviŭ, što byŭ donaram śpiermy i ciapier maje sotniu dziaciej
Pavieł Duraŭ u telehramie zajaviŭ, što ŭ jaho ciapier jość bolš za 100 bijałahičnych dziaciej u 12 krainach, pra što jon i sam tolki niadaŭna daviedaŭsia.
Jak raspavioŭ Duraŭ, 15 hadoŭ tamu siabar źviarnuŭsia da jaho z prośbaj zdać śpiermu, bo ŭ ich z žonkaj byli prablemy ź fiertylnaściu. Kiraŭnik kliniki paćvierdziŭ Duravu, što nie staje «vysakajakasnaha donarskaha materyjału», i zapeŭniŭ, što hramadzianski abaviazak Durava — «zdavać bolš śpiermy».
Zasnavalnik Telegram śćviardžaje, što jaho donarskaja aktyŭnaść dapamahła bolš čym sotni par u 12 krainach zavieści dziaciej, a prynamsi ŭ adnoj klinicy ekstrakarparalnaha apładnieńnia jašče dastupnaja jaho zamarožanaja śpierma dla ananimnaha vykarystańnia.
Ciapier Duraŭ płanuje paznajomić svaich dziaciej.
«Ja płanuju adkryć svoj DNK-kod, kab maim bijałahičnym dzieciam było lahčej znachodzić adzin adnaho. Viadoma, jość ryzyki, ale ja nie škaduju, što staŭ donaram. Niedachop zdarovaj śpiermy stanovicca ŭsio bolš surjoznaj prablemaj va ŭsim śviecie, i ja hanarusia tym, što ŭnios svoj układ u vyrašeńnie hetaj prablemy. Ja taksama chaču dapamahčy destyhmatyzavać samo paniaćcie donarstva śpiermy i zaachvocić bolš zdarovych mužčyn rabić heta», — dadaŭ jon.
Ciapier čytajuć
Hienierał Kiełah raskazaŭ, čamu ZŠA razmaŭlajuć z Łukašenkam12
Kamientary
I mnie zapomnitsia ułybka samosvała