Павел Дураў заявіў, што быў донарам спермы і цяпер мае сотню дзяцей
Павел Дураў у тэлеграме заявіў, што ў яго цяпер ёсць больш за 100 біялагічных дзяцей у 12 краінах, пра што ён і сам толькі нядаўна даведаўся.
Як распавёў Дураў, 15 гадоў таму сябар звярнуўся да яго з просьбай здаць сперму, бо ў іх з жонкай былі праблемы з фертыльнасцю. Кіраўнік клінікі пацвердзіў Дураву, што не стае «высакаякаснага донарскага матэрыялу», і запэўніў, што грамадзянскі абавязак Дурава — «здаваць больш спермы».
Заснавальнік Telegram сцвярджае, што яго донарская актыўнасць дапамагла больш чым сотні пар у 12 краінах завесці дзяцей, а прынамсі ў адной клініцы экстракарпаральнага апладнення яшчэ даступная яго замарожаная сперма для ананімнага выкарыстання.
Цяпер Дураў плануе пазнаёміць сваіх дзяцей.
«Я планую адкрыць свой ДНК-код, каб маім біялагічным дзецям было лягчэй знаходзіць адзін аднаго. Вядома, ёсць рызыкі, але я не шкадую, што стаў донарам. Недахоп здаровай спермы становіцца ўсё больш сурʼёзнай праблемай ва ўсім свеце, і я ганаруся тым, што ўнёс свой уклад у вырашэнне гэтай праблемы. Я таксама хачу дапамагчы дэстыгматызаваць само паняцце донарства спермы і заахвоціць больш здаровых мужчын рабіць гэта», — дадаў ён.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1010
Каментары
И мне запомнится улыбка самосвала