Ministr abarony Izraila zajaviŭ, što ŭ hetyja dni Iran ździejśnić biesprecedentny pa maštabu napad na Izrail
«My zafiksavali padrychtoŭku Irana da ataki. Takoha my jašče nie bačyli», — zajaviŭ ministr abarony Izraila Joaŭ Hałant. Na fonie hetaha ZŠA ściahnuli ŭ rehijon rekordnuju kolkaść vojskaŭ i sakretnuju atamnuju padłodku.
Padčas niadzielnych telefonnych pieramovaŭ pamiž ministrami abarony ZŠA i Izraila Joaŭ Hałant prainfarmavaŭ Łojda Ościna, što Iran rychtuje biesprecedentny pa maštabu napad na Izrail i što padobnaha za historyju nazirańniaŭ jašče nikoli nie adbyvałasia, paviedamlaje amierykanski partał Axios sa spasyłkaj na krynicy, znajomyja sa źmiestam razmovy.
Pa słovach Hałanta, sumiesnaja poŭnamaštabnaja ataka Irana, «Chiezbały» i inšych prairanskich hrupovak moža adbycca ŭ nastupnyja niekalki dzion. A pa infarmacyi krynic ahienctva CNN i telekanała Fox News, napad moža adbycca da hetaha čaćviarha (dzień, kali Izrail i CHAMAS płanujuć kančatkova padpisać umovu pra pieramirje i vyzvaleńnie zakładnikaŭ), albo ŭžo siońnia nočču.
U toj ža čas izrailski 12-y kanał adznačaje, što adrazu paśla razmovy z Hałantam ministr abarony ZŠA Łojd Ościn addaŭ terminovy zahad ab adpraŭcy na Blizki Ŭschod atamnaj padvodnaj łodki USS Georgia, jakaja moža nieści 154 kryłatyja rakiety Tomahawk, u tym liku ź jadziernymi zaradami. Rašeńnie ab raskryćci infarmacyi ab pierasoŭvańniach dadzienaj submaryny źjaŭlajecca niezvyčajnym krokam, bo miescaznachodžańnie takich padłodak zaŭsiody trymajecca ŭ sakrecie.
Akramia taho, ZŠA ekstranna nakiravali na dapamohu Izrailu dva avijanoscy «Avraam Linkaln» i «Teador Ruźvielt», jakija supravadžajucca dziasiatkami bajavych karabloŭ prykryćcia i niasuć sumarna kala 200 źniščalnikaŭ i viertalotaŭ, uklučajučy najnoŭšyja stełs-źniščalniki F-35.
Razam z hetym la bierahoŭ Izraila i Irana raźmiaścilisia desantnyja karabli ZŠA z tysiačami marskich piechacincaŭ i śpiecnazaŭcaŭ na borcie na vypadak poŭnamaštabnaj vajny ŭ rehijonie.
Nahadajem, što napružanaść pamiž Izrailem i Iranam rezka ŭzrasła ŭ kancy lipienia paśla zabojstva lidara terarystyčnaj hrupoŭki CHAMAS Ismaiła Chanii, jakoje adbyłosia naŭprost va ŭradavym kvartale iranskaj stalicy Tehieran. Adkaznaść Iran uskłaŭ na Izrail, a toj nie paćvierdziŭ i nie abvierh svajo dačynieńnie.
Apošnija tydni Iran aktyŭna zajaŭlaŭ, što «žorstka i chutka» adpomścić Izrailu za zabićcio Chanii. Izrail aścierahajecca, što pomsta moža ŭjaŭlać pramy rakietny napad Irana sumiesna z uvarvańniem na izrailskuju terytoryju «Chiezbały» i inšych prairanskich hrupovak.
Izrail paabiacaŭ, što kali jaho vyviedka paličyć taki scenar niepaźbiežnym, to atakuje Iran pieršym.
Ciapier čytajuć
«Ja naviedaŭ samuju izalavanuju krainu Jeŭropy». Amierykanski błohier raskazaŭ, jak pryjazdžaŭ u Biełaruś u 2020-m i 2024-m2
Kamientary
Tut druhoje. Iran, jak i rasieja, źjaŭlajecca sajuźnikam hetaj bałšavistkaj chunty, jakaja zachapiła ŭładu ŭ ZŠA. A Ościn raskryŭ sakretnuju infarmacyju pra atamnuju padłodku. (kab heta zrabiŭ Tramp, to užo byŭ by voj!). Zaraz hety Ościn znoŭku cichieńka schavajecca na balničny, jak jon toje ŭžo rabiŭ.