U Litvie vykryli schiemu abychodu sankcyj z udziełam Biełarusi na miljony jeŭra
Detali raspaviało litoŭskaje MUS.
«Hrupa litoŭskich hramadzian, jakaja dziejničała pa ŭkazańni peŭnych asobaŭ z Rasii, sprabavała abyjści mižnarodnyja sankcyi i ekspartavać u Rasiju zabaronienyja da ŭvozu tavary.
Kantrabandnaja schiema ŭklučała Biełaruś, Kazachstan, Uźbiekistan i Turcyju», — aficyjna paviedamiła Słužba pa rasśledavańni finansavych złačynstvaŭ pry MUS Litvy.
Viedamstva ŭdakładniła, što ŭ pieryjad z sakavika 2022 hoda pa žnivień 2024 hoda siem fizičnych i čatyry jurydyčnyja asoby ź Litvy zakuplali padsankcyjnyja tavary ŭ ES i pad iłžyvymi nazvami adpraŭlali ich u Rasiju. Ahulny košt takich tavaraŭ składaŭ amal 2 miljony jeŭra (zvyš 6,5 miljona biełaruskich rubloŭ).
U ramkach rasśledavańnia praviedziena 18 pieratrusaŭ u abjektach nieruchomaści i inšaj majomaści padazravanych. Maksimalnaje pakarańnie za ŭčynienaje złačynstva praduhledžvaje da 8 hadoŭ pazbaŭleńnia voli sa štrafami, padkreślivaje MUS Litvy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii26
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4242
Kamientary