Duda paabiacaŭ, što kali rasiejcy buduć vychodzić z Ukrainy, to pazvonić Zialenskamu z prośbaj nie bambić ich. Toj daścipna adkazaŭ
Dyjałoh pamiž prezidentami Polščy i Ukrainy adbyŭsia na pres-kanfierencyi ŭ Kijevie.
Andžej Duda kazaŭ pra toje, što kali rasijskija sałdaty buduć adstupać, to im treba dać pajści dadomu.
«Kali chtości na kahości napadaje, to pavinien brać pad uvahu, što sam budzie źbity.
Ale kali budzie tak, što rasiejcy zrobiać toje, što pavinny zrabić, heta značyć viernucca dadomu, i rasijskija vojski buduć vychodzić z Ukrainy i ŭkrainskija vojski buduć ich atakavać, to ja pieršy vaźmusia za telefon i patelefanuju Uładzimiru Zialenskamu i skažu: nie bambicie ich, kali jany sychodziać.
Pakińcie ich, chaj iduć dadomu. Ja mahu abiacać heta rasijskim žaŭnieram», — skazaŭ Duda.
«A kali budzie zaniata?» — ź ironijaj adkazaŭ jamu Zialenski. I patłumačyŭ: jon, jak prezident, byvaje mocna zaniaty, Duda pavinien viedać.
Duda ž adznačyŭ, što budzie telefanavać, pakul Zialenski nie zdymie trubku.
«Ale pakul Rasija atakuje Ukrainu na vajnie, jakuju sama pačała, to pavinna brać pad uvahu, što toj, chto miačom vajuje, ad miača hinie», — padkreśliŭ polski prezident.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili10
Kamientary