Janki: Maju kvateru dziaržava vystaviła na aŭkcyjon razam z prababulaj, jakaja tam žyła
U novym vypusku tok-šou «Žyćcio-malina» biełaruski dobraachvotnik Ihar «Janki» Jankoŭ raskazaŭ pra svaje adnosiny z baćkami i toje, jak dziaržava adabrała jaho kvateru.
Pa słovach «Janki», sa svaimi baćkami jon uvohule nie padtrymlivaje adnosin, bo jany «prytrymlivajucca druhoha boku». Apošni raz jon kantaktavaŭ z baćkam u pačatku vajny:
«My ź im razmaŭlali, i jon pačaŭ «nie ŭsio tak adnaznačna», «Bandera» i hetak dalej». U adkaz ja jamu nie skazaŭ ni słova. Zaŭvažyŭ, što nam ź im bolš niama pra što razmaŭlać. I kinuŭ trubku».
Dobraachvotnik zhadvaje, što nie tak daŭno ŭ jaho pamierła prababula, jakaja była jamu jak maci.
«U Biełarusi jana žyła ŭ majoj kvatery, jakuju mnie sama i padaryła. Jana vyjazdžała, a potym tam žyła. I dziaržava vystaviła na aŭkcyjon kvateru z babulaj, jakaja tam jašče žyła», — raskazvaje «Janki».
Kali jon pačuŭ pra śmierć prababuli, jon jašče nie viedaŭ, što kvatera vystaŭlena na aŭkcyjon. Kali jamu pra heta raskazali, to pieršaje žadańnie było — «zabić pałkami tych, chto vystaŭlaŭ heta na aŭkcyjon».
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary