Chłopčyk u Izraili vypadkova raźbiŭ staražytnuju amfaru, jakoj sama mieniej 3500 hadoŭ
Chłopčyk u izrailskim muziei vypadkova raźbiŭ adzin z ekspanataŭ vystavy: staražytnuju amfaru epochi bronzavaha vieku, uzrost jakoj składaje sama mieniej 3500 hadoŭ. Pa danych Muzieja Hiechta ŭ Chajfie, vyrabili hliniany posud nie raniej za 2200 i nie paźniej za 1500 hh. da n.e., što rabiła jaho nadzvyčaj redkim artefaktam, pakolki zachavałasia amfara całkam, amal u pieršapačatkovym vyhladzie.
Vystaŭleny ekspanat byŭ prosta na ŭvachodzie ŭ muziej i nie byŭ pakryty achoŭnym škłom. Jak rastłumačyli ŭ muziei, u demanstracyi archieałahičnych znachodak «bieź pieraškod» tam bačać «asablivaje začaravańnie», piša Bi-bi-si.
U vyniku amfaru vypadkova raźbiŭ piacihadovy naviednik. Ciapier jaje restaŭracyjaj daviadziecca zaniacca ekśpiertam.
Kiraŭnictva muzieja padkreślivaje, što raźbitaja amfara — niaščasny vypadak. Chłopčyk ni ŭ čym nie vinavaty, i jamu ničoha nie pahražaje.
«Byvaje, ekspanaty paškodžvajuć naŭmysna, i da takich vypadkaŭ staviacca vielmi stroha, u tym liku z pryciahnieńniem palicyi», — skazała Bi-bi-si pradstaŭnica muzieja.
«Adnak u dadzienym vypadku sprava išła inakš. Zban byŭ vypadkova paškodžany maleńkim dziciem, jakoje naviedvała muziej, i reakcyja budzie adpaviednaj», — dadała jana.
Usie siamju dziciaci zaprasili pryjści na vystavu jašče raz, užo ŭ składzie arhanizavanaj ekskursii.
Pry hetym kiraŭnictva zapeŭniła Bi-bi-si, što, niahledziačy na prykry incydent, praktyka «pa mahčymaści vystaŭlać ekspanaty biez barjeraŭ i šklanych ścien» budzie praciahnuta.
Muziej Hiechta raźmieščany na terytoryi Univiersiteta Chajfy; u im vystaŭleny archieałahičnyja znachodki i tvory mastactva.
-
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
-
«U 2015‑m vyjhraŭ $10 tysiač». Biełarusy ŭzhadvajuć, jak i kolki vyjhravali ŭ łatarei
-
Brazilec pradaŭ usiu majomaść i prajechaŭ 2000 kiłamietraŭ dziela žančyny. Ale jaho čakała žorstkaje rasčaravańnie
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary