Hramadstva2020

«Jana važyć 45 kiłahramaŭ, i heta pry jaje roście ŭ 175». Siastra Maryi Kaleśnikavaj padzialiłasia apošnimi źviestkami pra jaje

Pa słovach siastry palitźniavolenaj Maryi Kaleśnikavaj Taćciany Chomič, infarmacyja pra siastru da siamji dachodzić «litaralna pa drabočku», u asnoŭnym ad viaźniaŭ, jakija vyzvalilisia. Pra heta Taćciana Chomič raskazała ŭ intervju «Nastojaŝiemu vriemieni», piša «Radyjo Svaboda».

Sustreča Maryi Kaleśnikavaj z baćkam paśla praviedzienaj u źniavoleńni apieracyi

Taćciana Chomič nahadała, što Maryja Kaleśnikava bolš za paŭtara hoda znachodzicca ŭ pamiaškańni kamiernaha typu (PKT). Ale, pavodle źviestak Taćciany, z PKT siastru pieryjadyčna źmiaščajuć jašče i ŭ ŠIZA, a tam dziejničajuć abmiežavańni na nabyćcio tavaraŭ i na pieradačy.

Miž tym Maryi Kaleśnikavaj, jakaja pieraniesła apieracyju na straŭniku z-za prabadnoj jazvy, patrebnaje admysłovaje charčavańnie, kaža siastra źniavolenaj Taćciana. Pavodle jaje infarmacyi, u ŠIZA nabyć hetuju ježu siastra nie moža. Taksama, pavodle Taćciany Chomič, dla narmalnaha charčavańnia Maryi nie chapaje hrošaj, jakija dazvalajuć patracić u PKT.

«Turemnuju ježu jana nie moža jeści, heta vielmi hrubaja dla jaje ježa. Umovy ŭ PKT praduhledžvajuć, što možna patracić 35—70 rubloŭ na miesiac, heta kala 10—20 jeŭra na miesiac. Ale ŭjavicie, što na hetyja hrošy možna nabyć u Biełarusi? U lepšym vypadku harbatu, piečyva. Ale ž joj jašče patrebnyja prakładki, srodki hihijeny, jakija ŭ pieradačach da jaje nie traplajuć. Tamu ŭvieś hety čas Maša niedajadaje, faktyčna jana haładaje», — raskazała Taćciana Chomič pra siastru.

Taksama Taćciana prakamientavała toje, što ciapier adbyvajecca ŭ źniavoleńni ź jaje siastroj.

«Ad hetaha, skažu ščyra, ja šakavanaja. My pačuli, što jana važyć 45 kiłahramaŭ, i heta pry jaje roście ŭ 175 — ujavicie!» — kaža Taćciana Chomič.

Napiaredadni vydańnie «Novy čas» sa spasyłkaj na svaju krynicu paviedamiła, što z kastryčnika 2023 hoda Maryi Kaleśnikavaj nie pieradajuć listoŭ: ich rvuć u jaje na vačach. Na dumku Taciany Chomič, jaje siastry stvaryli takuju izalacyju, «kab jana dumała, što pra jaje ŭsie zabylisia».

«A jašče — kab nie mahła pra siabie pieradać niejkija źviestki, pakolki ličać, što navat ciapier Maša — toj čałaviek, jaki vielmi mocna natchniaje ludziej. Ale čamu da ŭsiaho hetaha dadajecca jašče i haładavańnie?

Hetyja ŭmovy, jakija joj stvarajuć, — voś heta mnie niezrazumieła! Ja liču, što heta niemahčyma — u XXI stahodździ, u centry Jeŭropy mieć takija ciažkija i niečałaviečyja ŭmovy. I ja bajusia, što ŭ niejki momant moža paŭtarycca situacyja, jak z Alaksiejem Navalnym, jakuju my nazirali paŭhoda tamu», — vykazała aściarohu Taćciana Chomič.

Kamientary20

  • Soniejka
    30.08.2024
    Mifotvorčiestvo , ty asabista pytaŭsia ŭ Kaleśnikavaj jak jana reahavała? Vielmi sumniavajusia.
  • $
    30.08.2024
    U kancy XX stahodździa ŭ centry Eŭropy ludzi źnikali i ich zabivali. Da siej pary nichto nia viedaje dzie ich pareštki. Tamu nie ŭčora ŭsie toje pačałoś. I małacikava toje što tut tvorycca Eŭropie da jakoj idzie hety zaklik. Nažal, ale treba prosta čakać, spadziavacca i vieryć, što mahčyma heta ź niejkaj nahody dyktatara skončycca.
  • Mifotvorčiestvo
    30.08.2024
    Soniejka, jość sotni hadzin videa z Babarykam i Kaleśnikavaj. Usie ŭsio bačyli, jak i na što jany reahavali.
    Ni słova nie skazali pra represii 2010 hoda, kali ŭsich kandydataŭ kinuli ŭ turmy. Ni słova nie skazali pra vybuch u mietro. Ni słova nie skazali ŭ padtrymku raniej za ich zatrymanaha Siarhieja Cichanoŭskaha. Ni słova nie skazali pra padrychtoŭku režyma da razhonu paślavybarčych pratestaŭ. Kab ludzi choć padrychtavalisia chacia b maralna da taho, što paśla zakryćcia ŭčastkaŭ budzie paboišča.

Ciapier čytajuć

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu12

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Usie naviny →
Usie naviny

Vajaroŭ biełaruskaha bataljona «Vołat» prymusova pieravodziać u inšyja padraździaleńni18

Łukašenka: Nijakaj vajny ź Jeŭropaj Pucin nie płanuje. Kali b płanavaŭ — ja b dakładna viedaŭ13

Zialenski: Kurskaja apieracyja vykanała svajo zadańnie4

Praz try miesiacy paśla vyzvaleńnia z navapołackaj kałonii pamior były palitviazień. Jamu było 485

Biełaruski fiermier pakazaŭ, jak trymieram rychtuje kłubnicy da siezonu — miljony prahladaŭ

U AirPods płanujuć dadać sinchronny pierakład razmovy

Łukašenka pra Zialenskaha: Vałodzia jak syn mnie byŭ, ale pastupiŭ jak hnida32

Hienštab USU abvierh zajavu Trampa ab «akružeńni ŭkrainskich vojskaŭ»2

Čały analizuje zadačy, jakija Łukašenka pastaviŭ novamu ŭradu3

bolš čytanych navin
bolš łajkanych navin

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu12

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Hałoŭnaje
Usie naviny →

Zaŭvaha:

 

 

 

 

Zakryć Paviedamić