U sudzie Biarozaŭskaha rajona 28 žniŭnia pavodle č. 1 art. 342 Kryminalnaha kodeksa (aktyŭny ŭdzieł u dziejańniach, što hruba parušajuć hramadski paradak) vynieśli prysud adrazu čatyrom miascovym žycharam.
43-hadovy Siarhiej Hoŭša (źleva) i 54-hadovy Alaksandr Malkoŭ (sprava)
Jak piša «Bieraściejskaja Viasna», za ŭdzieł u akcyi pratestu ŭ noč z 10 na 11 žniŭnia 2020 hoda ŭ Biarozie Siarhieju Skrobatu, Alaksandru Malkovu, Iharu Šymančyku i Siarhieju Hoŭšu pryznačyli ad adnaho da dvuch hadoŭ kałonii. Taki prysud vynies Dźmitryj Kavalevič.
U sakaviku 2024 hoda siłaviki praviali rejdy za ŭdzieł u paślavybarčych akcyjach pratestu ŭ 2020 hodzie. Tady paviedamlałasia pra zatrymańnie kala dziesiaci čałaviek. Tak, u miežach takoha «chapuna» byŭ zatrymany i Siarhiej Skrobat.
Zhodna viersii abvinavačvańnia, z 10 pa 11 žniŭnia 2020 hoda, «znachodziačysia na vuł. Lenina ŭ h. Biaroza, dziejničajučy ŭ hrupie asob, vykrykvali łozunhi, demanstravali pałotny bieł-čyrvona-biełaha koleru, hruba parušajučy hramadski paradak, naŭmysna pieraškadžali ruchu transpartnych srodkaŭ i narmalnamu funkcyjanavańniu pradpryjemstvaŭ i arhanizacyj, tym samym naŭmysna pryniali aktyŭny ŭdzieł u hrupavych dziejańniach, jakija hruba parušajuć hramadski paradak, spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady, jakija paciahnuli parušeńnie pracy transpartu, pradpryjemstvaŭ i arhanizacyj».
Paviedamlajecca, što na sudzie ŭsie pryznali vinu.
U vyniku, 28 žniŭnia ŭ sudzie Biarozaŭskaha rajona ahučany prysud:
- Iharu Šymančyku — adzin hod kałonii;
- Siarhieju Skrobatu — adzin hod i šeść miesiacaŭ kałonii;
- Alaksandru Malkovu — dva hady kałonii;
- Siarhieju Hoŭšu — dva hady kałonii (kančatkova, z ulikam niejkaj papiaredniaj sudzimaści, try hady kałonii).
Usim pryznačana adbyvańnie pakarańnie ŭ kałonii va ŭmovach ahulnaha režymu.
Spravu suprać mužčyn razhladaje Dźmitryj Kavalevič.
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Kamientary