Akcyja na Dzień śviatoha Valancina žorstka razahnana
Maładafrontaŭcy mielisia prajści maršrutam Plac Voli — praśpiekt Niezaležnaści — Płošča Niezaležnaści.
20:45
Usich zatrymanych adpuścili, pieradaje naš kar. ŭ-pad pastarunka.
U aŭtazaku źbili Ryhora Astapieniu, Stanisłava Stesika, Mikołu Dziemidzienku.
Najbolš ža paciarpieŭ Michaś Paškievič. Jamu pabili akulary i zabrali ŭ jaho premiju.
18:20
Padahnali treci aŭtobus. Zapichnuli tudy mastaka Puškina. Zajšła sama ŭ aŭtazak saliharčanka Kryścina Samojłava.
Pavodle papiaredniaj infarmacyi, usie zatrymanyja buduć adviezienyja ŭ Centralny RUUS, što na Arłoŭskaj.
18:10
Toj, chto zastaŭsia cełym, pašychtavalisia kala katalickaj katedry. Jany skandujuć «Žyvie Biełaruś», śpiavajuć «Mahutny Boža».
Ale padjechaŭ aŭtazak i ŭsich hvałtam zapichvajuć u jaho,
prykładam, ludzi ŭ cyvilnym vielmi žorstka zatrymlivajuć dziaŭčat. Zatrymanaja namieśnica staršyni MF Taćciana Šapućka, pry zatrymańni jana mocna ŭdaryłasia hałavoj ab asfalt.
Ahułam zatrymana bolš za 25 čałaviek.
18:07
Šeście razahnana.
Zatrymanyja bolš za 10 čałaviek.
Zatrymany ŭ tym liku namieśniki staršyni arhanizacyi Mikoła Dziemidzienka i Ivan Šyła. A taksama lider «maładych demakrataŭ» Michaił Paškievič.
Jamu piać chvilin tamu la Ratušy była ŭručana maładafrontaŭskaja premija «Za hramadskuju čynnaść» - M.Paškievič raspracavaŭ prajekt alternatyŭnaj słužby.
18:05
Pačynajecca šeście. Ale milicyja dahaniaje ŭdzielnikaŭ...
18:04
Milicyjanty vyryvajuć pa adnym čałavieku i, niesučy ŭčatyroch, zaciahvajuć u aŭtobus.
18:03
Rvuć raściažki.
Niekalkich čałaviek schapili i ciahnuć, schapiŭšy za ruki i za nohi.
18:02
Milicyja pačynaje papiaredžvać pra zatrymańni.
17:57 - Na Placy Voli la minskaj Ratušy sabrałasia kala 30 udzielnikaŭ akcyi. Pakul niama raściažak i ściahoŭ, usio cicha.
Tradycyjna šmat ludziej u cyvilnym.
Prysutničaje mastak Aleś Puškin, jon staić u vialikim šykoŭnym kapielušy ź vialikimi palami i trymaje ŭ rukach karcinu.
***
Akcyju siońnia ładzić «Małady front». Mierkavałasia napačatku, što akcyi nie budzie, za dva tydni da hetaha zajaŭlałasia, što «vuličnyja akcyi siabie zžyli», ale paśla taho, jak kiraŭnictva hatela «Kraŭn Płaca» admoviła MF u arendzie zały dziela ŭručeńnia premii «Lublu Biełaruś», było vyrašana viarnucca da farmatu vuličnaj akcyi.
Maładafrontaŭcy majuć prajści maršrutam Plac Voli — praśpiekt Niezaležnaści — Płošča Niezaležnaści.
Darečy, kiraŭnika MF Źmitra Daškieviča siońnia na akcyi nie budzie — jon u zamiežnaj pajezdcy.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary