U Polščy sud admianiŭ rašeńnie ab vysyłcy ŭ Litvu byłoha palitviaźnia
U Polščy sud admianiŭ rašeńnie ab vysyłcy ŭ Litvu pa Dublinskamu rehłamientu byłoha palitviaźnia Alesia Papkoviča, paviedamlaje inicyjatyva «Partyzanka».
Vajavodski administracyjny sud u Varšavie paličyŭ, što ŭ spravie byli surjoznyja pracedurnyja parušeńni i što nieabchodna ŭličvać indyvidualnuju situacyju Papkoviča. Pavodle pradstaŭnikoŭ inicyjatyvy «Partyzanka», heta rašeńnie moža dapamahčy inšym asobam, čyje spravy aŭtamatyčna zakryvajucca biez naležnaj acenki asabistych abstavin. Inicyjatyva płanuje i dalej sistemna asprečvać padobnyja rašeńni dla ŭstanaŭleńnia spraviadlivaj praktyki.
Aleś Papkovič byŭ zatrymany razam z bratam Janam 2 vieraśnia 2022 hoda pierad zapłanavanaj pajezdkaj u Polšču, padčas zatrymańnia byŭ pabity. U śniežni 2022 hoda jamu prysudzili dva hady kałonii, a na volu jon vyjšaŭ u lipieni 2024 hoda. Ministerstva ŭnutranych spraŭ Biełarusi ŭklučyła jaho ŭ śpis «ekstremisckich asobaŭ».
Aleś byŭ evakujavany ź Biełarusi pa litoŭskaj vizie, bajučysia novaha zatrymańnia paśla vyzvaleńnia. Usie jaho blizkija znachodziacca ŭ Polščy. Paŭtara miesiaca tamu byŭ vyzvaleny i vyviezieny ŭ Polšču jahony brat Jan Papkovič, jaki vyjšaŭ na volu razam z hrupaj departavanych va Ukrainu 13 śniežnia.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary