Viktar Babaryka adkazaŭ na zavočnyja pytańni Mikity Miełkaziorava
Dva hady tamu, u videa, źniatym da 60‑hodździa tady źniavolenaha palityka Viktara Babaryki, aŭtar videakanała «Žyćcio-malina» Mikita Miełkazioraŭ sfarmulavaŭ try pytańni da jaho. Siońnia, na sarakaviny z dnia śmierci Mikity Miełkaziorava, Babaryka apublikavaŭ u fejsbuku svaje adkazy na tyja pytańni.
— Nakolki lohka ci ciažka zachavać vieru ŭ ludziej?
— Zachavać vieru ŭ ludziej lohka, kali ty razumieješ, što ŭ lubych abstavinach i asiarodździ, dzie b ty ni apynuŭsia, i dzie vakoł ciabie nie vielmi dobryja i pryjemnyja ludzi, kolkaść hetych ludziej mizernaja. U paraŭnańni z toj kolkaściu, ź jakoj tabie pašancavała sustrakacca ŭ žyćci.
— Nakolki lohka ci ciažka zachavać vieru ŭ Biełaruś?
— Zachavać vieru ŭ Biełaruś taksama lohka, tamu što dla mianie Biełaruś — heta biełarusy. A jany, u svajoj bolšaści, ščyryja, dobryja i nieabyjakavyja da inšych ludziej. I heta niahledziačy na toje, što siońnia za hetuju dabryniu i pavahu mnohija ź ich prachodziać praz katavańni.
— Nakolki lohka ci ciažka nie złamacca?
— Nie złamacca ciažej. Tamu što kali ty nie viedaješ ničoha ab tym, jak vyhladaje śviet i jak jon da ciabie stavicca, kali tabie kažuć, što ty nikomu nie patrebny i ŭsie pra ciabie zabyli, kali ab hetym śviedčyć usio naŭkoła, to hetyja nie fizičnyja, a psichałahičnyja katavańni vielmi niepryjemnyja. Adnak adziny srodak pieraadoleć heta — razumieńnie, što viedać — nie zaŭsiody važna. Bolšuju rolu maje viera ŭ toje, pra što ja adkazaŭ u pieršych dvuch pytańniach.
37‑hadovy viadoŭca papularnaha jutub-kanała «Žyćcio-malina» Mikita Miełkazioraŭ niečakana pamior u noč z 20 na 21 śniežnia 2025 hoda.
«Ciapier dastatkova času». Ivulin pakłaŭ Miełkazioravu ŭ trunu «Kałasy pad siarpom tvaim», što Mikita nie paśpieŭ dačytać
Prakuratura pra śmierć Miełkaziorava: žurnalist mieŭ chraničnuju chvarobu
Mierkavańnie: «Žyćcio-malina» musić praciahvacca, Mikita biełarusieŭ i biełarusiŭ nie dla taho, kab heta spyniłasia
Što budzie z kanałam «Žyćcio-malina»? Kamanda adkazała
«Biełaruś ciabie lubić». Repartaž z raźvitańnia ź Mikitam Miełkazioravym
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary