Praz sankcyi Maryja Kaleśnikava nie moža razbłakavać svoj niamiecki rachunak
«I ja pakul ničoha nie mahu z hetym zrabić».
Niamiecki bank Commerzbank zabłakavaŭ rachunak byłoj palitźniavolenaj Maryi Kaleśnikavaj, pakul jana znachodziłasia ŭ kałonii. Pryčyna — sankcyi suprać Biełarusi. Pra heta Kaleśnikava raspaviała na niamieckim telekanale ARD, piša «Miedyjazona».
«Davoli paciešnaja historyja. U mianie byŭ rachunak u Commerzbank 17 hadoŭ. Kali ja była ŭ kałonii, naturalna, ja nie mahła im kiravać. I ŭ niejki momant jaho zabłakavali. Ciapier moj rachunak zabłakavany, i ŭ mianie niama dostupu da jaho praz sankcyi suprać Biełarusi. Ja taksama ź Biełarusi, i heta zakranaje i mianie, choć ja ciapier u Hiermanii sa svaim [zabłakavanym] rachunkam, jaki byŭ adkryty 17 hadoŭ tamu. I ja pakul ničoha nie mahu z hetym zrabić», — skazała jana.
Kaleśnikava taksama dadała, što sankcyi nie ŭpłyvajuć na Alaksandra Łukašenku: «U jaho jość svoj samalot, i jon prosta [lataje] ŭsiudy, kudy choča, za miežami ES, i heta ŭpłyvaje na zvyčajnych ludziej», — dadała Kaleśnikava.
U 2021 hodzie Maryja była asudžanaja na 11 hadoŭ kałonii pa artykułach ab zmovie z metaj zachopu ŭłady (artykuł 357 KK), zaklikach da dziejańniaŭ suprać nacbiaśpieki (artykuł 361 KK) i stvareńni «ekstremisckaha» farmiravańnia (artykuł 361‑1 KK). Jana vyjšła na svabodu praz pamiłavańnie razam z hrupaj inšych palitviaźniaŭ u śniežni 2025 hoda, zaraz znachodzicca ŭ Hiermanii.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary
Było tolki tekstavaje intervju z Zołatavaj (taksama byłaja palitźniavolennaja), dzie možna było damovicca, što nie publikavać
Moža baicca, što tam takija pytańni buduć ź jakich pryhoža nie saskočyš? Ci jany z Babarykaj naŭmysny vyrašyli ad "ekstremistaŭ" abmiežavacca?