U kazinaj fiermy ŭ Buda-Kašaloŭskim rajonie ŭźnikli vialikija prablemy. Sotni žyvioł mohuć zahinuć
Kiraŭnica sielskahaspadarčaha pradpryjemstva «Vachaviak» Ludmiła Hulankova źviarnułasia da žurnalistaŭ vydańnia «Mocnyja naviny» z prośbaj ab dapamozie. Fierma ŭ vioscy Siničyna Buda-Kašaloŭskaha rajona moža spynić pracu, a tady kala 400 koz, u tym liku kotnyja i zusim maleńkija, mohuć zahinuć.
Jak tłumačyć žančyna, raniej na hetym miescy paśpiachova pracavaŭ śvinakompleks na 14 tysiač hałoŭ. Ale ŭ 2022 hodzie pryjšła śvinaja čuma, i ŭsich žyvioł źniščyli — častku daviałosia zabivać i zakopvać prosta na miescy. Strachavych vypłat haspadarka nie atrymała. Paśla hetaha častka zasnavalnikaŭ vyjšła ź biznesu, a tyja, chto zastaŭsia, vyrašyli pačać usio z nula i zaniacca raźviadzieńniem koz.
Jak tłumačyć Ludmiła, metaj było nie tolki zarablać, ale i naładzić vytvorčaść karysnaha kazinaha małaka, asabliva patrebnaha dzieciam z alerhijami. Pačynali ŭsiaho z 20 koz, žyvioł źbirali pa ŭsioj krainie, ramantavali chlavy, šukali rabotnikaŭ i rynki zbytu.
Try hady pradpryjemstva pracavała ź vialikimi stratami, brała kredyty i litaralna vyžyvała. I tolki kali haspadarka narešcie vyjšła «ŭ nul», pavialičyła statak i abjomy małaka, uźnikli novyja prablemy.
Padatkovaja słužba aryštavała rachunki i vystaviła doŭh u pamiery 312 tysiač rubloŭ biez uliku pieni. Pryčyna — buchhałtarskaja pamyłka: prodaž častki budynkaŭ byłymi zasnavalnikami aformili nie tak, i haspadarku zadnim čysłom pazbavili prava na sielhaspadatki. Choć na praciahu dvuch hadoŭ dekłaracyi prymalisia biez zaŭvah.
Jurysty śćviardžajuć, što pa buchhałtarskich praviłach usio zroblena pravilna, ale padatkovyja orhany nastojvajuć na štrafie.
Akramia taho, rajvykankam paviedamiŭ, što adramantavanyja chlavy zabirajuć nazad, niahledziačy na toje, što pradpryjemstva 17 hadoŭ vykonvała ŭmovy, paśla jakich budynki musili pierajści ŭ jaho ŭłasnaść. Arendu prapanavali padoŭžyć, ale pa canie, niepadjomnaj dla fiermy.
Ludmiła kaža, što źviartałasia ŭ roznyja instancyi, ale ŭsiudy čuła adno i toje ž: maŭlaŭ, vy pryvatniki, dapamahčy niama jak.
Ciapier u pradpryjemstva prablemy i z prodažam małaka, i z vypłataj zarobkaŭ — rachunki zabłakavanyja, ludzi zvalniajucca. Zakryć fiermu — značyć asudzić koz na hibiel, bo miasakambinaty koz nie prymajuć. Tym časam statak chutka vyraście da 500 hałoŭ.
Kiraŭnica spadziajecca, što ahałoska ŭ ŚMI dapamoža znajści vyjście ź situacyi, bo inšym čynam zastaniecca tolki nazirać, jak hinuć žyvioły i razvalvajecca sprava, u jakuju ŭkładzienyja hady pracy.
«Maładyja, nie pjuć — dobry prykład». Na fiermy ŭ Lidskim rajonie pryjechali pracavać mihranty z Efiopii
Jak biełarus pieratvaryŭ staruju škołu ŭ fiermu krevietak
Biełaruskija syravary prosiać dapamahčy im vykupić fiermu ŭ Polščy. Raniej jany trymali karoŭ i koz pad Brasłavam
«Za noč my stracili ŭsio». Trahiedyja źniščyła 17 hadoŭ pracy fiermieraŭ — zhareli karovy ź cialatami
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Nikakoj boleje mienieje krupnyj biźnies nielzia viesti v RB pri diktaturie i biezzakonii. Zapomnitie eto praviło. Jeśli ty nie ližieš odno miesto łukašistam, to rano ili pozdno tiebia obnulat. Spustia hod, dva, diesiať let, no eto słučitsia.
Zria ona skazała o miasokombinatie, eti častnyje kołbasozavodčiki śletiatsia, kak blestiaŝije muchi na poležałoje miaso i vciepiatsia kak boriellioznyje kleŝi v eto pribolevšieje choziajstvo šiepielavia, čto očień chotiat kupiť i šielestia hriaznymi dieńhami v kaplach žira, krovi i jeŝio čieho-to nieprijatnoho.
Bojuś, čto pośle dostatočnoj artpodhotovki eto choziajstvo nie vydieržit i etich očień simpatičnych kozačiek ždut nieprijatnyje poślednije dni v antisanitarijnych usłovijach.