U Lvovie 9 vieraśnia adkryŭsia Biełaruski dom, a na jaho bazie muziej «Volnaja Biełaruś z Ukrainaj u sercy», paviedamiŭ galinfo.com.ua zasnavalnik dabračynnaha fondu «Volnaja Biełaruś» Alaksiej Franckievič.
Biełaruski dom i muziej buduć pracavać pa adrasie vuł. Klaparaŭskaja (Kleparivśka), 21.
Pavodle słoŭ Franckieviča, meta prajekta —
«raskazać usiamu śvietu pra toje, što biełaruskaja nacyja bok pry boku z ukraincami staić na abaronie ŭsiaho cyvilizavanaha śvietu ad rasijskaj impieryi».
Muziej pryśviečany biełarusam, jakija addali svaje žyćci va Ukrainie pačynajučy z padziej na Majdanie Niezaležnaści ŭ 2014 hodzie padčas Revalucyi Hodnaści i paźniej u rasijska-ŭkrainskaj vajnie.
«Bolš za 70 biełaruskich hierojaŭ» addali svaje žyćci za Ukrainu, udakładniŭ aktyvist.
U Biełaruskim domie, anansavaŭ jon, płanujecca adnavić dziejnaść niadzielnaj biełaruskaj škoły, jakaja pracavała ŭ horadzie da pieryjadu poŭnamaštabnaha ŭvarvańnia rasijan i ŭ jakoj buduć vyvučać biełaruskuju movu.
Kamientary