Miljardera Samvieła Karapieciana abvinavacili ŭ zaklikach da zachopu ŭłady ŭ Armienii
Kiraŭniku pramysłova-budaŭničaj hrupy «Tašyr», miljarderu Samviełu Karapiecianu vystaŭlena abvinavačańnie ŭ publičnych zaklikach da zachopu ŭłady ŭ Armienii, paviedamiŭ advakat biznesmiena RIA «Naviny».
Pavodle słoŭ abaroncy, Karapieciana źbirajucca aryštavać. Biźniesmien viny nie pryznaŭ. Suprać miljardera raspačali kryminalnuju spravu, ciapier jon znachodzicca ŭ Śledčym kamitecie Armienii.
Napiaredadni supracoŭniki pravaachoŭnych orhanaŭ Armienii pryjšli ź pieratrusami ŭ dom Karapieciana ŭ Jerevanie, a taksama zatrymali niekalkich jaho svajakoŭ i prychilnikaŭ, jakija sabralisia na miescy padziej. Unačy 18 červienia Karapiecian pakinuŭ dom razam ź siłavikami.
Svajaki miljardera i miascovyja ŚMI źviazali śledčyja dziejańni z tym, što Karapiecian vystupiŭ u padtrymku Armianskaj apostalskaj carkvy i z krytykaj na adras premjer-ministra Armienii Nikoła Pašyniana, jaki, u svaju čarhu, krytykavaŭ AAC i zaklikaŭ katalikosa Harehina II pakinuć svaju pasadu.
Paśla pieratrusaŭ u Karapieciana Pašynian zaklikaŭ nacyjanalizavać ZAT «Elektryčnyja sietki Armienii», što naležać Karapiecianu.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary