Ad iranskaha rakietnaha ŭdaru ŭ Izraili zahinuła siamja z Ukrainy, jakaja pryjechała lačyć siamihadovuju dačku ad lejkiemii
Baćka dziaŭčynki — vajskoviec USU, jon zastaŭsia va Ukrainie.
U vyniku pramoha traplańnia iranskaj rakiety pa žyłym domie ŭ Bat-Jamie zahinuła siamja z Ukrainy, jakaja pryjechała ŭ Izrail dla lačeńnia siamihadovaj Naści ad lejkiemii, piša kanał «Izrailskije trudovyje budni».
Usie zahinułyja znachodzilisia ŭ kvatery ŭ momant udaru. Zahinuli:
- Naścia Buryk, 7 hadoŭ;
- jaje maci, Maryja Paškurava, 30 hadoŭ;
- babula, Lena Paškurova, 60 hadoŭ;
- Kanstancin Atovič, 9 hadoŭ;
- Illa Paškuraŭ, 13 hadoŭ.
Ukrainskaja siamja prybyła ŭ Izrail u śniežni 2022 hoda paśla hramadskaha zboru srodkaŭ pa ŭsim śviecie na lačeńnie Naści.
Paśla častkovaj remisii rak viarnuŭsia, niahledziačy na chimijoterapiju i pierasadku kaściavoha mozhu.
Zahinułyja babula, maci, Naścia i dva ŭnuki znachodzilisia razam u momant udaru iranskaj rakiety.
Baćka dziaŭčynki, Arciom Buryk, słužyć va USU i zastaŭsia va Ukrainie, praciahvajučy źbirać srodki na lačeńnie dački.
Praz zakryćcio pavietranaj prastory pieravozka cieł va Ukrainu časova niemahčymaja.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary