Karpienka: Jość čatyry mahčymyja daty praviadzieńnia prezidenckich vybaraŭ u Biełarusi
CVK hatovy da luboj daty.
Jość čatyry mahčymyja daty praviadzieńnia prezidenckich vybaraŭ u Biełarusi ŭ 2025 hodzie. Pra heta paśla narady ŭ Łukašenki zajaviŭ žurnalistam staršynia CVK Biełarusi Ihar Karpienka, piša BiełTA.
«U adpaviednaści z zakanadaŭstvam hetyja vybary pavinny prajści nie paźniej za 20 lipienia 2025 hoda. Razam z tym deputacki korpus prymaje rašeńni — Pałata pradstaŭnikoŭ Nacyjanalnaha schodu. My paśla adkryćcia siesii 17 vieraśnia z deputatami praviadziem šerah kansultacyj. Nie budu chavać, nazyvajucca čatyry daty mahčymaha praviadzieńnia vybaraŭ prezidenta. Ale dla taho kab ich ahučvać, treba pravieści kansultacyi. I zrazumieła, što rašeńnie budzie prymać Pałata pradstaŭnikoŭ na svaim pasiadžeńni», — skazaŭ kiraŭnik CVK.
Ihar Karpienka zajaviŭ, što CVK hatovy da luboj z prapanavanych dat, jakija ahučvalisia dla praviadzieńnia vybaraŭ.
«My ŭžo padrychtavali adpaviednyja mietadyčnyja rekamiendacyi, infarmacyjnuju bazu. Ciapier adpracoŭvajem vizualnuju kancepcyju mahčymaha afarmleńnia da vybaraŭ učastkaŭ, płakataŭ — usiaho taho infarmacyjnaha anturažu, jaki my zvyčajna ŭžyvajem da vybaraŭ», — dadaŭ staršynia CVK.
Nahadajem, što Biełpoł sa spasyłkaj na svaje krynicy śćviardžaje, što prezidenckija vybary projduć 23 lutaha 2025 hoda.
-
Praŭładny analityk Špakoŭski sprabuje patłumačyć, što chacieŭ Łukašenka ad ZŠA
-
Vykładčyca Natalla Dulina: Ja kateharyčna admoviłasia pisać prašeńnie ab pamiłavańni. I ja b była rada, kali b vyvieźli kahości inšaha
-
«Na hałovach — miaški». Eks-palitviazień Karniej, jakoha vyzvalili razam ź Cichanoŭskim, raspavioŭ, jak heta było
Ciapier čytajuć
Biznesmien, biełaruska sa Šviecyi, chłopiec, asudžany za čat na pieciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim55
Kamientary