Adziny ŭrok da Dnia narodnaha adzinstva projdzie ŭ škołach Biełarusi 17 vieraśnia. Infarmacyja pra heta apublikavanaja na Nacyjanalnym pravavym partale.
Adznačajecca, što hety ŭrok pavinien dapamahčy školnikam uśviadomić sens, značeńnie dziaržaŭnaha śviata, a taksama važnaść zhurtavanaści biełaruskaha naroda dla zachavańnia mocnaj, niezaležnaj dziaržavy.
Akramia taho, adziny ŭrok pavinien spryjać farmiravańniu pavažlivaha staŭleńnia da histaryčnaha minułaha krainy, vychoŭvać u vučniaŭ patryjatyzm, hramadzianskaść, adkaznaść, hatoŭnaść dziejničać na karyść Radzimy.
Skazana, što nastaŭniki na ŭroku abmiarkujuć ź dziećmi padziei, jakija stali histaryčnaj asnovaj śviata.
Paviedamlajecca, što ŭ jakaści maderataraŭ uroka na II i III stupieni ahulnaj siaredniaj adukacyi mohuć vystupić pradstaŭniki BRSM i pijanierskaj arhanizacyi.
Kamientary