«Nasrału zabili, kali jon hladzieŭ pramovu Nietańjachu ŭ AAN». Jak Izrail padmanuŭ lidara «Chiezbały»
Izrailskija ŭłady praviali padmanny manieŭr z udziełam premjer-ministra krainy, kab vyklikać u lidara «Chiezbały» pačućcio biaśpieki.
Premjer-ministr Izraila Bińjamin Nietańjachu ŭziaŭ udzieł u apieracyi pa padmanie lidara «Chiezbały» Chasana Nasrały.
Padrabiaznaści płana raspavioŭ The Telegraph vysokapastaŭleny izrailski čynoŭnik.
Nietańjachu pakinuŭ Izrail i adpraviŭsia ŭ Ńju-Jork, kab uvieści ŭ zman lidara «Chiezbały», prymusiŭšy jaho dumać, što jon u biaśpiecy.
Vystup Nietańjachu na Hienieralnaj asamblei AAN 27 vieraśnia byŭ častkaj adciahvajučaha płana, jaki byŭ nakiravany na toje, kab prymusić Chasana Nasrału pavieryć, što Izrail nie budzie pravodzić siłavuju apieracyju, pakul premjer-ministr znachodzicca za miežami krainy.
Izrail nanios udar pa Biejrucie ŭ piatnicu. Pa słovach čynoŭnika, Nasrała, jak miarkujecca, hladzieŭ vystup Nietańjachu pa televizary i byŭ atakavany izrailskimi VPS.
Na bunkier Nasrały skinuli 80 bombaŭ, kožnaja vahoju tonu.
«Nietańjachu ŭchvaliŭ hety ŭdar pierad svaim vystupam na Hienieralnaj Asamblei AAN», — dadaŭ čynoŭnik.
Ataka adbyłasia praź niekalki chvilin paśla taho, jak Nietańjachu paabiacaŭ praciahnuć apieracyi suprać «Chiezbały» padčas svajho vystupu ŭ AAN.
Premjer-ministr Izraila vystupiŭ z rašučaj pramovaj, zajaviŭšy delehatam, što Izrail budzie «praciahvać asłablać «Chiezbału» da taho času, pakul usie mety nie buduć dasiahnuty».
Izrail abviaściŭ pra zabojstva Chasana Nasrały ŭ vyniku kropkavaha avijaŭdaru. Razam ź im byli zabityja vysokapastaŭlenyja kamandziry «Chiezbały».
Vykazvajecca mierkavańnie, što znachodžańnie Nasrały vysačyli, dziakujučy papiaredniamu padryvu pejdžaraŭ. Paśla taho, jak byli padarvanyja pryłady śpiecsuviazi, «Chiezbała» pierajšła da pieradačy zahadaŭ kurjerami. Sočačy za imi, izrailskaja raźviedka i vyjšła na bunkier Nasrały.
Izrail zabiŭ kiraŭnika «Chiezbały» Chasana Nasrału
Lidar «Chiezbały» pierastaŭ vychodzić na suviaź paśla izrailskich udaraŭ pa Livanie
«Chiezbała» zapuściła bolš za 100 rakiet pa Izrailu, CACHAŁ nanios udary pa Livanie
Izrail pravioŭ kibierataku na členaŭ «Chiezbały». Pejdžary 1200 bajevikoŭ adnačasova ŭzarvalisia prosta ŭ kišeniach VIDEA
U padkładańni vybuchoŭki ŭ pejdžary «Chiezbały» abvinavačvajecca «Masad»
Izrail jašče na vytvorčaści zakłaŭ vybuchoŭku ŭ tajvańskija pejdžary dla «Chiezbały» — Reuters
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES8
Kamientary