U vyniku naniesienaha Izrailem napiaredadni ŭdara pa Biejrucie zahinuŭ iranski hienierał-major Korpusa vartavych isłamskaj revalucyi Abas Niłfurušan. Pra heta paviedamiła iranskaje ahienctva Mehr.
Usiaho z-za avijaŭdaraŭ pa Biejrucie zahinuli 11 čałaviek, 108 atrymali ranieńni, paviedamili ŭ Ministerstvie achovy zdaroŭja Livana.
Siarod zahinułych — kiraŭnik «Chiezbały» Chasan Nasrała, pa bunkiery jakoha nanieśli metanakiravany ŭdar.
«Heta jašče nie kaniec, heta pavinna być kryštalna zrazumieła. My majem jašče instrumienty dla dalejšych dziejańniaŭ.
Prostaje pasłańnie tym, chto pahražaje hramadzianam Dziaržavy Izrail: my zmožam dastać vas. Na poŭnačy, na poŭdni i ŭ bolš addalenych miescach. U kančatkovym vyniku, paśla praciahłaha pieryjadu padrychtoŭki, my pačali ich realizoŭvać», — zajaviŭ kiraŭnik Hienštaba Izraila Hiercy Ha-Levi.
«Nasrału zabili, kali jon hladzieŭ pramovu Nietańjachu ŭ AAN». Jak Izrail padmanuŭ lidara «Chiezbały»
Izrail zabiŭ kiraŭnika «Chiezbały» Chasana Nasrału
Lidar «Chiezbały» pierastaŭ vychodzić na suviaź paśla izrailskich udaraŭ pa Livanie
Ali Chamieniei pieraviali ŭ biaśpiečnaje miesca
«Chiezbała» zapuściła bolš za 100 rakiet pa Izrailu, CACHAŁ nanios udary pa Livanie
Kamientary