Kiraŭnik ruchu «Volnaja Biełaruś» Zianon Paźniak padvioŭ u fejsbuku vyniki svajoj sumiesnaj z Paŭłam Vusavym pajezdki va Ukrainu z 21 vieraśnia pa 1 kastryčnika.
Pavodle słoŭ Zianona Paźniaka, hałoŭnaj zadačaj vizitu było «padrychtavać hrunt dziela supolnych dziejańniaŭ biełaruskich zmaharnych adździełaŭ na pieryjad vyzvaleńnia Biełarusi». I pajezdkaj jon zadavoleny, bo sustreŭsia tam
«ź biełaruskimi vajarami pałka imia Kalinoŭskaha i vajskovaha adździeła «Tur» (dziejničaje ŭ Kurskaj vobłaści), z kamandziram pałka Kalinoŭskaha Paŭłam Šurmiejem, ź siabrami hramadskaha ruchu «Kalinoŭcy», a taksama z ukrainskimi palitykami i hramadskimi dziejačami».
U tym liku Paźniak z Vusavym źjeździli ŭ horad Sumy, jaki, jak padkreślivajecca, znachodzicca na miažy z Kurskaj vobłaściu.
Taksama hetuju pajezdku vykarystali, kab pierahnać u Kijeŭ aŭtamabil «Folksvahien», achviaravany dla Pałka Kalinoŭskaha biełarusami Bielhii. Akramia taho, pałku pieradali dva drony FPV ad supołki «Volnaj Biełarusi», jakaja źbiraje drony. A jašče fundacyja «Volnaja Biełaruś» na prośbu Pałka Kalinoŭskaha apłaciła i vykupiła dla pałka binakular načnoha bačańnia koštam šeść z pałovaj tysiač jeŭra dla pošukaŭ i evakuacyi paranienych u načny čas.
Usaŭ raskazaŭ, jak treba było zrazumieć słovy Paźniaka pra Łukašenku i Kaleśnikavu
Zianon Paźniak: Chto moža zamianić Łukašenku? Realna — nichto
Usaŭ: Paźniak ne stavić svaje palityčnyja pohlady vyšej za žyćcio Kaleśnikavaj
Paźniak: Kaleśnikava — poŭnaje palityčnaje ništo
Zianon Paźniak pajechaŭ havaryć pra biełaruskija spravy ŭ Kijeŭ
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
jakim čynam jon choča vyzvalać Biełaruś? vajennym? bambujučy ziamlu, rujnujučy harady i zabivajučy biełarusaŭ, jakija tut žyvuć?