Budanaŭ asabista ŭdzielničaŭ u apieracyi pa vyzvaleńni Vaŭčanskaha zavoda
«Niekalki sutak prysutničaŭ, niepasredna kiravaŭ misijaj», — kaža paplečnik.
Načalnik Hałoŭnaha ŭpraŭleńnia raźviedki Minabarony Ukrainy Kirył Budanaŭ byŭ z raźviedčykami na klučavym etapie apieracyi pa vyzvaleńni Vaŭčanskaha ahrehatnaha zavoda. Pra heta zajavili ŭ efiry telemarafona, piša hromadske.ua.
«Ni dla kaho nie tajamnica, što Kirył Alaksiejevič Budanaŭ časta niepasredna ŭdzielničaje ŭ apieracyjach. Kankretna ŭ hetaj apieracyi jon byŭ z nami ŭ klučavy momant, na klučavym etapie. Niekalki sutak prysutničaŭ, niepasredna kiravaŭ misijaj. Biezumoŭna, heta padtrymlivaje bajcoŭ, daje im matyvacyju», — skazali ŭ telemarafonie.
24 vieraśnia padraździaleńni HUR całkam vyzvalili terytoryju Vaŭčanskaha ahrehatnaha zavoda i źniščyli akupantaŭ va ŭsich 30 budynkach pradpryjemstva. Raźviedka adznačyła, što apieracyja była «nadzvyčaj składanaj».
U Vaŭčansku siły abarony ŭžo niekalki miesiacaŭ trymali zabłakavanymi rasijskija vojski na miascovym ahrehatnym zavodzie. A ŭžo 16 vieraśnia pačali źjaŭlacca paviedamleńni, što ŭkrainskija vojski kontratakavali ŭ rajonie Vaŭčanska. Pavodle acenki Amierykanskaha instytuta vyvučeńnia vajny (ISW), vajskoŭcy vybili rasiejcaŭ z zavoda.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary
Vuń, spadar Łukašenka Baćka pryhońnicka-mazalovych spadaru Azaronku Małomu nie paškadavaŭ. Tak režyseryć Ryhorka, što Azarončycha zabalavała - z tydzień nie kamentuje.