Pradstaŭnik Dziarždepa ZŠA naviedaŭ Minsk i abmierkavaŭ vyzvaleńnie palitviaźniaŭ
Biełaruś na dniach naviedvaŭ pradstaŭnik Dziaržaŭnaha departamienta ZŠA. U Minsku ŭ jaho ŭ tym liku adbylisia sustrečy ŭ Ministerstvie zamiežnych spraŭ. Aficyjnych paviedamleńniaŭ pra heta nie było, piša Biełsat.
15 kastryčnika ambasada ZŠA arhanizavała ŭ Miensku nievialiki pryjom dla pradstaŭnikoŭ inšych zamiežnych pradstaŭnictvaŭ u suviazi ź vizitam u Biełaruś čynoŭnika dziaržaŭnaha departamienta ZŠA Kievina Dojła. Dojł nie źjaŭlajecca vysokapastaŭlenym pradstaŭnikom Dziaržaŭnaha departamienta, i jaho vizit prezientavaŭsia jak dosyć rucinnaja sprava (aficyjnych paviedamleńniaŭ pra vizit naohuł nie było).
Razam z tym čynoŭniki z Vašynhtona vielmi redka naviedvajuć Minsk, tamu hety fakt usio ž taki źviartaje na siabie ŭvahu.
Pavodle źviestak «Biełsata», Kievin Dojł razam z časovym pavieranym ZŠA Piteram Kaŭfmanam mieŭ sustreču z pradstaŭnikami MZS Biełarusi, na jakoj u tym liku abmiarkoŭvaŭsia los palitviaźniaŭ.
«Dziaržaŭny departamient padtrymlivaje aficyjnyja kantakty ź Ministerstvam zamiežnych spraŭ Biełarusi, kab harantavać, što my možam ažyćciaŭlać zvyčajnuju dypłamatyčnuju kamunikacyju i abaraniać nacyjanalnyja intaresy ZŠA ad imia hramadzian ZŠA», — paviedamiła «Biełsatu» Kolin Śmit, supracoŭnica pa suviaziach z hramadskaściu adździeła pa spravach Biełarusi ambasady ZŠA ŭ Litvie.
-
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES
-
Čym skončyłasia historyja ź mierkavanym lasnym katom na Paleśsi, jaki akazaŭsia ŭ kapkanie
-
Rektar EHU pra ekstremiscki status univiersiteta: «Samy składany etap z 2004 hoda»
Kamientary