«Jak jahnia vykonvaŭ ich «parady». Telefonnyja machlary abduryli Malavanyča
Akcior i televiadučy Alaksandr Ždanovič, najbolš viadomy jak Malavanyč z «Kałychanki», raskazaŭ na svajoj staroncy ŭ fejsbuku, jak niespadziavana staŭ achviaraj telefonnych machlaroŭ.
«Mianie papiaredžvali, ale ja «trapiŭ» jak dzicionak. Pracujuć vielmi prafiesijna. Zvoniać pa telefonie. Nazyvajucca pracaŭnikami banka. Kažuć, što była sproba z vašaha rachunka źniać hrošy. Dla abarony treba nazvać heta i heta… Potym bankinh akazvajecca zabłakavanym.
I ja hałavoj razumieŭ, što padobna na ašukanstva. Ale jak jahnia vykonvaŭ ich «parady». Usio vielmi chutka!
Kali spachapiŭsia — pateliŭ u bank. Sapraŭdnyja pracaŭniki rachunak zabłakavali. Kartku skazali vykinuć. Ale što tam z hrašyma… U paniadziełak pajdu raźbiracca. Mahčyma, ja staŭ lohkim, jak pavietrany šaryk…», — napisaŭ akcior.
Z-za hetaha incydentu sarvałasia mierapryjemstva z udziełam Alaksandra Ždanoviča. Viečaram 18 kastryčnika jon pavinien byŭ u varšaŭskim Biełaruskim moładzievym chabie pravieści viečar batlejki. Adnak machlary patelefanavali akurat tady, kali jon źbiraŭsia tudy jechać.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ9
Kamientary
umiejuć apracoŭvać
mahu paračku (ich było kudy bolš) i svaich žyćciovych historyj raskazać.. śviakroŭ pierasyłaje niejak mnie pa Vajbiery papiaredžańnie ab machlarach.. ja adkazała niešta kštałtu - mnie-to navošta? ja ž byccam nie paduładnaja.
praz paru dzion daznajemsia, što raźviali na hrošy śviakroŭ (ci čytała jana sama toje papiaredžańnie?).. pieraličyła machlaram ledź nie pałovu rachunka.. pieraličyła b peŭna i bolš, kali b śviokr nie spyniŭ. u niejki momant jon adciahnuŭsia ad telika ) i padumaŭ, što žonka nadta doŭha (doŭha jaje apracoŭvali) ź niekim razmaŭlaje.. i heta. Achtunh! śviakroŭ dosyć razumnaja, razvažnaja i ŭsio takoje, ale.. nu voś umiejuć raźvieści machlary…
asabliva machlary aktyvizujucca ŭ lichija časy. takija, jak zaraz. vidavočnyja rečy kažu)
šče hady 2 tamu nadakučvali i mnie. bolš paśla taho (ćchu-ćchu) nichto nie telefanuje )
niejak na pracy čarhovy raz telefanujuć.. niešta koratka adkazała, pakłała słuchaŭku i vyłajałasia:«idzicie ŭ )-!-( () |¯| Ɣ , mašeńniki»
kaleha, što siadzieła bližej da mianie, pačuŭšy, skazała: «*****, ty što? my zaraz ciabie pasłuchajem i budziem rabić, jak ty)» (mašeńniki tady ŭsich dastali. nie tolki mianie) kažu: «ty što – tak drenna dumaješ pra mianie? ja spačatku pakłała słuchaŭku, a potym užo pasłała ich» paśmiajalisia)
PS. Lublu ich dapiakać. Zvyčajna jany abkładajuć mianie matami i kidajuć słuchaŭku. Ale ž usio adno strašna što adnojčy jany mianie padłoviać na stresie.