Knyrovič patłumačyŭ, čamu lepš hałasavać na vybarach za Hajdukieviča, čym za Łukašenku
Hałasavać suprać usich, ci całkam bajkatavać. Tak siońnia vyhladajuć prapanovy demakratyčnych siłaŭ na prezidenckija vybary, jakija ŭłady pryznačyli na 26 studzienia.
Siabra Kaardynacyjnaj rady, błohier Alaksandr Knyrovič raniej prapanavaŭ demakratyčnym siłam vykarystać padčas prezidenckich vybaraŭ taktyku «razumnaha hałasavańnia». Ideja zaklučajecca ŭ tym, kab apanienty ŭłady arhanizavana hałasavali za luboha kontrkandydata Łukašenki. Sam błohier prapanavaŭ hałasavać za Aleha Hajdukieviča. Akurat u piatnicu lidar praŭładnaj ŁDPB abviaściŭ, što pojdzie na vybary, nahadvaje Radyjo Svaboda.
«My razumiejem, što 26 studzienia nie budzie nijakich vybaraŭ. Heta farmalnaja pracedura pierapryznačeńnia Łukašenki. I ad taho, jak prahałasujuć ludzi, nie zaležyć ničoha. Ja navat upeŭnieny, što ŭ biuleteniach nie budzie imionaŭ Čeračań, Kanapackaja ci Dźmitryjeŭ, ludziej, jakija choć niejak mohuć vyhladać jak niejtralnyja kandydaty.
Jość hałasy, jakija kažuć, što nia treba rabić jaŭku. Ale ž my razumiejem, što ŭ Biełarusi kala 30% žycharoŭ — heta prychilniki Łukašenki. I hetaha dastatkova, kab zrabić lubuju televizijnuju karcinku.
I ŭ hetych umovach my majem mahčymaść niešta zrabić nia z tym, što budzie ŭ kančatkovych pratakołach, a z tym, jak my stavimsia da ludziej, jakija simpatyzujuć demakratyčnym idejam. Heta moža być Hajdukievič albo luby inšy kandydat. Jak i «suprać usich», heta padychod suprać Łukašenki.
Ale padychod «suprać usich» nie dazvalaje aficyjna ahitavać suprać Łukašenki. Heta partyzanski padychod, bo ŭ Biełarusi ahitacyja «suprać usich» zabaronienaja.
A z padychodam «razumnaha hałasavańnia» možna kazać, što «Hajdukievič lepšy za Łukašenku» i raskazvać, što adbyvajecca ŭ krainie. Luby ŭmoŭny Ivanoŭ zaraz lepšy za Łukašenku».
Aleh Hajdukievič zajaviŭ, što budzie bałatavacca ŭ prezidenty
«Maja kamanda rychtavałasia da prezidenckaj honki». Čeračań škaduje, što nie zmoža stać kandydatam u 2025 hodzie
Stała viadoma, chto ŭznačaliŭ inicyjatyŭnuju hrupu Łukašenki
Hanna Kanapackaja prapanuje sacyjał-demakratam padtrymać jaje na vybarach
Ci byŭ u Kanapackaj niamiecki DNŽ, jaki pieraškadžaje joj stać kandydatkaj-spojleram?
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary