Staršynia ŁDPB Aleh Hajdukievič u efiry «Pieršaha infarmacyjnaha» zajaviŭ, što pojdzie kandydatam u prezidenty.
Hajdukievič skazaŭ, što choča, «kab vorahaŭ vanitavała ad kožnaha kandydata ŭ prezidenty, jaki ŭdzielničaje ŭ vybarach».
«Ja chaču ščyra skazać, voś nienavidziać jany našaha prezidenta, vorahi, centry hetyja zachodnija, tamu što jon zachavaŭ krainu, jon zachavaŭ suvierenitet, umacavaŭ jaje, nie pradaŭ jaje. I ja chaču, kab ich vanitavała ad kožnaha kandydata ŭ prezidenty, jaki ŭdzielničaje ŭ vybarach.
Tolki patryjoty pavinny być, kab jany hladzieli na kandydataŭ u prezidenty i razumieli, łavić u hetaj krainie niama čaho. Tamu my idziom na vybary, kab umacavać krainu», — skazaŭ jon.
Dva dni tamu Hajdukieivič zajaviŭ, što jaho partyja budzie ŭdzielničać u prezidenckich vybarach. Ale nie kazaŭ, ci budzie jon sam bałatavacca. Na minułych vybarach Hajdukievič źniaŭsia, zajaviŭšy, što «nie prastytutka», i zaklikaŭ hałasavać za Łukašenku.
Prezidenckija vybary projduć 26 studzienia 2025 hoda.
Partyja pracy i spraviadlivaści nie budzie vystaŭlać spojlera i padtrymaje Łukašenku
Pavieł Łatuška bačyć pryčynu pryznačeńnia vybaraŭ na studzień u inšym
Ad imia «Biełaj Rusi» rassyłajucca listy ab vyłučeńni Kačanavaj u prezidenty
CVK patłumačyŭ, čamu 23 lutaha nie abrali dniom vybaraŭ
Łukašenka vybraŭ Rasiju miescam zajavy, što pojdzie na vybary
Apazicyja prapanuje hałasavać suprać usich, ale dapuskaje źmienu taktyki bližej da vybaraŭ
Kamientary