U klipie, źniatym ukrainskaj režysiorkaj, Łedzi Haha zmahajecca sa svaimi ŭnutranymi demanami pad dark-elektra-pop. Krytyki padzialilisia: adnyja nazyvajuć trek viartańniem da kłasičnaha hučańnia, inšyja — novaj eraj u tvorčaści śpiavački.
Novy sinhł śpiavačka anansavała jašče ŭ pačatku minułaha tydnia, a jaho premjera adbyłasia 25 kastryčnika. Trek «Disease» (Chvaroba) uvojdzie ŭ doŭhačakany siomy muzyčny albom artystki i daje pieršaje ŭjaŭleńnie pra jaho.
Siońnia na YouTube źjaviŭsia i aficyjny klip «Disease», u jakim Łedzi Haha supraćstaić roznym viersijam siabie, niekatoryja ź jakich vyhladajuć sapraŭdy žudasna, sprabujučy adnavić kantrol nad samymi hłybokimi strachami.
Napiaredadni suśvietnaj premjery klipa śpiavačka padzialiłasia značeńniem pieśni ŭ svaim Instagram.
«Ja šmat dumaju pra adnosiny sa svaimi ŭnutranymi demanami. Mnie zaŭždy było ciažka pryznać, jak chaos i sumiatnia spakušajuć mianie. Heta vyklikaje ŭ mianie pačućcio kłaŭstrafobii.
«Disease» — heta sutyknieńnie z hetym stracham, sutyknieńnie z samoj saboj i svajoj unutranaj ciemraj i ŭśviedamleńnie taho, što časam ja nie mahu pieramahčy abo paźbiehnuć tych častak siabie, jakija mianie pałochajuć. Što ja mahu pasprabavać uciačy ad ich, ale jany ŭsio jašče častka mianie, i ja mahu biehčy i biehčy, ale ŭ rešcie rešt ja znoŭ sustrenu hetuju častku siabie, navat kali tolki na imhnieńnie.
Tancy, źmianieńnie, ucioki, ačyščeńnie. Znoŭ i znoŭ, znoŭ z saboj. Hetaje źjadnańnie ŭrešcie cudoŭnaje dla mianie, bo jano — majo, i ja navučyłasia ź im spraŭlacca», — napisała jana.
«Disease» znoŭ viartaje nas da zmročnych i maksimalisckich sinhłaŭ kanca 2000-ch i pačatku 2010-ch hadoŭ, jakija prynieśli suśvietnuju słavu śpiavačcy. Pobač z vybuchovym prypievam i prostymi, ale trapnymi vakalnymi chukami (hetaje «a-aaa!») — mieładramatyčny tekst pieśni pra siłu kachańnia, jakaja zdolnaja «vylečyć tvaju chvarobu».
Mienavita takimi zachaplalnymi i ekscentryčnymi pieśniami Łedzi Haha i zavajavała kaliści ŭvieś śviet. Amatary šalonaha sinhła «Bad Romance» dakładna nie zastanucca abyjakavymi da apakaliptyčnaha rytmu «Disease».
Pakul adny krytyki pišuć pra jaje viartańnie da kłasičnaj formy i hučańnia, inšyja zajaŭlajuć pra novuju eru ŭ muzyčnaj karjery Łedzi Hahi. Fanaty ž śpiavački zastalisia ŭ zachapleńni ad treka i vakału śpiavački. Jany byli začaravanyja hučańniem, a rolik z žudasnymi vobrazami, jakija jakraz pasujuć da Chełaŭina, užo razabrali na cytaty i miemy.
Darečy, novy klip Hahi zrežysavała ŭkrainka Tania Muińja. Jak viadoma, raniej klipmejkierka stvaryła roliki dla Leni Kravica, Hary Stajłza, Keci Pery, The Weeknd, Dženifier Łopies i Dua Lipy.
Va Ukrainie Muińja źjaŭlajecca rekardsmienkaj pa kolkaści ŭznaharod u naminacyi «Najlepšy videaklip» štohadovaj premii YUNA. Jana taksama była režysioram numara Alyona Alyona i Jerry Heil na Jeŭrabačańni 2024 hoda.
Vychad novaha siomaha studyjnaha albomu Łedzi Hahi «LG7» zapłanavany na luty. Apošni jaje muzyčny albom «Chromatica» vyjšaŭ u 2020 hodzie.
Apošnija hady Haha nadavała bolš uvahi svajoj akciorskaj karjery. Naprykancy vieraśnia jana vypuściła albom «Harlequin», prymierkavany da premjery filma «Džokier: šalenstva na dvaich», u jakim jana syhrała adnu z hałoŭnych rolaŭ. Albom staŭ trecim albomam śpiavački, jaki zaniaŭ 1-je miesca ŭ džazavym rejtynhu Billboard.
Šalony pośpiech mieła i pieśnia «Die With a Smile» (Pamierci z uśmieškaj), jakaja była zapisanaja ŭ duecie z Bruna Marsam i vypuščana ŭ žniŭni, jakaja dasiahnuła 3-ha miesca Billboard Hot 100 i trymajecca ŭ vierchnich pazicyjach dahetul. Na Spotify pieśnia ŭžo sabrała zvyš 770 miljonaŭ prasłuchoŭvańnia, a jaje aficyjny klip nabraŭ kala 230 miljonaŭ prahladaŭ na YouTube.
«Naša Niva» — bastyjon biełaruščyny
PADTRYMAĆ-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Kamientary