Žycharu Łatvii pahražaje ŭ Biełarusi da 10 hadoŭ kałonii pa troch palityčnych artykułach
Pra zatrymańnie Juryjsa Hanińša dahetul nie paviedamlałasia. Jaho imia źjaviłasia ŭ raskładzie sudoŭ.
Juryjsa Hanińša pačnuć sudzić u Minskim haradskim sudzie 12 listapada. Jaho abvinavačvajuć pa troch artykułach Kryminalnaha kodeksa — «dyskredytacyja Biełarusi» (art. 369-1 KK), «paklop na Łukašenku» (č. 2 art. 367 KK) i «zakliki da sankcyj» (č. 2 art. 361 KK). Juryjsu pahražaje da dziesiaci hadoŭ kałonii.
Admietna, što pa druhoj častcy artykuła pra zakliki da sankcyj sudzili nie tak šmat ludziej. Hučyć farmuloŭka artykuła tak: «zakliki, źviernutyja da zamiežnaj dziaržavy, zamiežnaj abo mižnarodnaj arhanizacyi, učynieńnie dziejańniaŭ, nakiravanych na pryčynieńnie škody nacyjanalnaj biaśpiecy Biełarusi, u tym liku na prymianieńnie mier abmiežavalnaha charaktaru (sankcyj) u dačynieńni da Biełarusi, fizičnych i jurydyčnych asob Biełarusi, abo raspaŭsiud materyjałaŭ, jakija źmiaščajuć takija zakliki».
Što dakładna zrabiŭ łatvijec, niezrazumieła — pad takuju abstraktnuju farmuloŭku moža padychodzić što zaŭhodna. Na absalutnaj bolšaści palityčnych pracesaŭ u Biełarusi sutnaść spravy zastajecca nieviadomaja hramadskaści, pa takich spravach navat advakaty dajuć padpisku ab nierazhałošvańni.
Kali vy viedajecie pra toje, što zdaryłasia, bolš, pišycie redaktaru «Našaj Nivy» ŭ TH ci na [email protected]. Abo lubomu redaktaru ci žurnalistu «Našaj Nivy», jakoha viedajecie asabista.
Masavyja palityčnyja represii ŭ Biełarusi praciahvajucca z 2020 hoda. Tady Alaksandr Łukašenka, miarkujučy pa infarmacyi z učastkaŭ, dzie padlik hałasoŭ išoŭ u prysutnaści niezaležnych naziralnikaŭ, prajhraŭ Śviatłanie Cichanoŭskaj, ale nie addaŭ ułady.
Represii pačalisia ź lidaraŭ apazicyi i vuličnych pratestaŭ, a pastupova raspaŭsiudzilisia na novyja i novyja słai.
Pa infarmacyi pravaabaroncaŭ, za 2020—2024 hady było zaviedziena bolš za 19 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Pa mnohich kryminalnych spravach prachodziać šmatlikija fihuranty.
Zhodna z infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆ
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary