Zaraz u budučaha prezidenta 301 hołas u Kalehii vybarščykaŭ pry nieabchodnych 270.
Donald Tramp atrymaŭ pieramohu ŭ Nievadzie — čarhovym ź siami klučavych (chistkich) štataŭ, dzie viałasia asnoŭnaja baraćba za prezidencki fatel.
Pieramoha pryniesła respublikancu šeść vybarščykaŭ štata. Na ahulnych vynikach heta ŭžo nie adabjecca — Tramp nabraŭ nieabchodnuju kolkaść jašče ŭ sieradu.
Dla pieramohi adnamu z kandydataŭ nieabchodna atrymać nie mienš za 270 hałasoŭ, zaraz u Trampa ich 301 (u Charys — 226).
Respublikaniec lidziruje va ŭsich akruhach štata Nievada, za vyklučeńniem akruhi, dzie raźmieščany Łas-Viehas.
Zastałosia paličyć hałasy ŭ apošnim štacie — Aryzonie (11 hałasoŭ Kalehii vybarščykaŭ).
Pierad vybarami kazali, što ŭsio vyrašycca mienavita ŭ siami klučavych (chistkich) štatach: Aryzonie (11 vybarščykaŭ), Džordžyi (16), Mičyhanie (15), Nievadzie (6), Piensilvanii (19), Paŭnočnaj Karalinie (16) i Viskonsinie (10). Tramp pieramoh va ŭsich ich (nie paličana tolki Aryzona), što pryniesła jamu 82 hałasy ŭ Kalehii vybarščykaŭ.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca3
Kamientary