Łukašenku nie adpuskaje. Paśla pres-słužby i sam jon vykazaŭsia pra admovu Dudy fatahrafavacca ź im na samicie ŭ Baku
«Nichto nie zaŭvažyŭ, što jaho niama. Bačyć jon, što jaho nie zaŭvažyli, i pačaŭ pijarycca, što nie pajšoŭ fatahrafavacca. Nu i nie chadzi. Hospadzi, chto ciabie tam čakaŭ!»
Alaksandr Łukašenka, adkazvajučy 14 listapada na pytańni žurnalistaŭ, vykazaŭsia pra demarš prezidenta Polščy Andžeja Dudy na klimatyčnym samicie ŭ Baku.
«Adzin jeŭrapiejec — kali b mnie nie raskazaŭ Ryžankoŭ, ja nie viedaŭ by — admoviŭsia fatahrafavacca («siamiejnaje fota» na samicie ŭ Baku), tamu što tam jość Łukašenka. Nichto hetaha navat nie zaŭvažyŭ. Ja tam stajaŭ spakojna. Padyšoŭ pakistanski premjer, mnohija padyšli, pryvitalisia z pavahaj. Nu, jak siamja. Nichto nie zaŭvažyŭ, što jaho niama. Bačyć jon, što jaho nie zaŭvažyli, i jon pačaŭ pijarycca, što nie pajšoŭ fatahrafavacca. Nu i nie chadzi. Hospadzi, chto ciabie tam čakaŭ!» — skazaŭ Łukašenka.
Akramia hetaha, jon pakrytykavaŭ i vystupleńnie polskaha prezidenta na samicie. Pavodle Łukašenki, Andžej Duda raskazvaŭ, jak Polšča bieraže žyviolny i raślinny śviet, ale nie zhadaŭ, jak jaho kraina pabudavała aharodžu ŭ Biełaviežskaj puščy, «z-za čaho tam ciapier hinuć źviary». «Jany ž žach što vytvarajuć! Jany vyrazali hetu Biełaviežskuju pušču, a jon pra raśliny raskazvaje. Ja ŭžo nie staŭ jaho tam čaplać, choć sabie paznačyŭ tezisy. Dumaju: nu nielha tak», — zaŭvažyŭ Łukašenka, nie nazvaŭšy pryčyny pabudovy Polščaj aharodžy — mihrancki kryzis.
Prezident Polščy Andžej Duda 12 listapada admoviŭsia ŭdzielničać u «siamiejnym fota» lidaraŭ, jakija pryjechali na klimatyčny samit u Baku. Pryčynaj staŭ udzieł u fatahrafavańni Łukašenki.
Kanał «Puł pieršaha» na nastupny dzień, 13 listapada, vyrašyŭ abyhrać hety momant i apublikavaŭ fota «pomsty» palityka polskamu lidaru. Vyhladała heta na ŭzroŭni pačatkovaj škoły. Vidavočna, što ŭčynak Dudy mocna začapiŭ Łukašenku.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary