Studenty-amatary zapuścili ŭ kosmas hipierhukavuju rakietu ŭłasnaj vytvorčaści
Studenty Łabaratoryi rakietnaha ruchu pry Univiersitecie Paŭdniovaj Kalifornii (USCRPL) pastavili novy suśvietny rekord siarod amatarskich i niekamiercyjnych rakiet, adpraviŭšy svaju rakietu Aftershock II na vyšyniu 143 kiłamietry.
Amatarskaja hipierhukavaja rakieta Aftershock II, zapuščanaja 20 kastryčnika z pustyni Błek-Rok u štacie Nievada, ZŠA, była abstalavanaja samym mahutnym ćvierdapaliŭnym ruchavikom, kali-niebudź stvoranym nieprafiesijanałami, i zdoleła dasiahnuć chutkaści 1610 m/s, pieraadoleŭšy tak zvanuju liniju Karmana — miažu, jakaja ŭmoŭna adździalaje atmaśfieru Ziamli ad kosmasu (na vyšyni kala 100 kiłamietraŭ nad uzroŭniem mora), piša partał Interesting Engineering sa spasyłkaj na spravazdaču studentaŭ Univiersiteta Paŭdniovaj Kalifornii.
«U trochmietrovaj rakiecie vahoj 149 kh i dyjamietram 22 sm vykarystoŭvalisia pieradavyja technałohii, uklučajučy sučasnuju avijoniku, sistemu ciepłavoj abarony i kampazitnyja materyjały. Asablivaja ŭvaha była nadadziena abaronie ad vysokich tempieratur: rakieta była pakrytaja termaŭstojlivaj farbaj, a stabilizatary abstalavanyja tytanavymi elemientami, jakija praduchilili znos kanstrukcyi», — skazana ŭ daśledavańni.
Akramia taho, kamanda studentaŭ raspracavała elektronnyja sistemy dla manitorynhu dynamiki palotu ŭ režymie realnaha času, što dazvoliła dakładna adsočvać trajektoryju i aptymizavać praces adnaŭleńnia rakiety paśla pasadki.
Upieršyniu studenty USCRPL pieraadoleli liniju Karmana ŭ 2019 hodzie z rakietaj Traveler IV, ale novy rekord Aftershock II staŭ značnym krokam u ich prajekcie pa raźvićci technałohij amatarskaj kasmanaŭtyki.
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi
Vypusknik minskaj biełaruskamoŭnaj himnazii skončyŭ Harvardski ŭniviersitet. Voś dzie jon ciapier pracuje
Ciažkoje vyprabavańnie: u Paŭdniovaj Karei zdajuć ekzamien, jaki doŭžycca 8 hadzin i całkam vyznačaje budučyniu
Kamientary