Maks Korž vypuściŭ pieršy klip paśla pahroz HUBAZiKa. Pravakacyjny i šmatsensoŭny

Raniej publična Maks Korž, jaki źjechaŭ ź Biełarusi, nijak nie vykazvaŭsia nakont pahroz HUBAZiKa. Ale ŭ jaho novym klipie na pieśniu Stress možna znajści niamała šmatsensoŭnych momantaŭ.

Pačynajecca videa z taho, što da Karža prychodziać chłopcy, adzin ź jakich kaža:

— Pačakaj, Maks, ty ž sam kazaŭ, niahledziačy ni na što žyć u kajf. A zaraz što? Usio spyniłasia, i ty ničoha z hetym nie robiš? Varušniak pavinien nieścisia, ludzi hatovy, małyja chočuć. Ty pahladzi, jakim łajnom usich špihujuć pa abodva baki. I što źmienicca ad taho, što my budziem siadzieć i čakać, pakul heta skončycca? Jany nie spyniacca, pakul nie pieratvorać usich u źviarej! I što, usim siadzieć u lesie?

Chłopiec taksama zapeŭnivaje Karža, što jon žyvie tolki adnojčy, tamu choča kožny dzień mienavita žyć, a nie isnavać — siabravać z kim chočacca, žyć jak chočacca i być, dzie chočacca.

— Ja nie chaču siadzieć moŭčki i čakać, kali skončycca toje, što samo nikoli nie skončycca. I ty heta viedaješ. Usie pavinny bačyć, što narmalnych, niepramytych ludziej jašče šmat.

Jon kaža, što jakraz ciapier nadyšoŭ momant, kali treba nahadać usim, što možna žyć inakš — bieź miežaŭ, pašpartoŭ, ahresii i svarak.

— Treba dalej tapić, i heta budzie karyśniej u tysiaču razoŭ. Jość jašče tyja, chto da hetaha času haryć hetym. I jość šmat maładych, chto hatovy ŭvarvacca. Pacany, dajcie nadzieju maładym. Pakažycie, što varušniak praciahvajecca. Niekatoryja pierastajuć vieryć u heta, kamuści ŭžo p*j prosta. A niekatoryja sychodziać sam viedaješ kudy.

Chłopiec skardzicca na začynienyja miežy, biaskoncyja sprečki i toje, što ludzi hublajuć suviaź adno z adnym.

— Ty dumaješ, jany na hetym spyniacca? I ty ŭvohule ŭpeŭnieny, što heta samy p*c? Daj pacanam choć by mahčymaść vypuścić par. Prydumaj što-niebudź. Ty viedaješ, jak rabić heta, Maks.

Potym chłopiec udakładniaje, što havoryć pra tur Maksa Karža ci chacia b kancert.

Sama ž pieśnia pačynajecca z frazy:

— Voobŝie nie płanirovał nikuda vyjezžať. Prišli pacany i skazali: «Słušaj, čto budiem diełať dalšie?».

Dalej u klipie bačny chłopcy ŭ bałakłavach. Jość taksama takija radki:

— Ej, bratiška, čto s tvoim licom?
My zabraliś užie daleko.
Zašli nie tuda — nie bieda.
V kakoj by ž*pie nie okazaliś — eto vsio jerunda.

Pavialičyć

Častka klipu zdymałasia ŭ Minsku. Na videa taksama bačny harady roznych jeŭrapiejskich krain — Litvy, Polščy, Hiermanii, Łatvii, Čechii, Niderłandaŭ. Jość i pastanovačnaje zatrymańnie palicyjaj.

• 44
• 7
• 4
• 20
• 1
• 2
• 0
• 2