U svaim telehram-kanale HUBAZiK paviedamiŭ, što patelefanavali śpievaku Maksu Karžu i vyklikali jaho na hutarku. Nahodaj dla hetaha staŭ nibyta «šerah skarhaŭ».
Siłaviki niezadavoleny tym, što na jaho kancertach niekatoryja ludzi ŭzdymajuć bčb-ściahi, a samoha Karža vinavaciać u padtrymcy Ukrainy ŭ vajnie.
Ciapier śpiavak, jak śćviardžajecca, za miažoj, jon nie zatrymany. Apošnija kancerty artysta byli ŭ inšych krainach.
Maks Korž — adzin z samych viadomych biełaruskich śpievakoŭ. Apošnija hady jon nie vystupaŭ u Biełarusi, bo jaho ŭnieśli ŭ čorny śpis. Praz svaju antyvajennuju pazicyju artyst nie moža davać kancerty i ŭ Rasii, dzie ŭ jaho vializnaja aŭdytoryja.
U 2022 hodzie paśla pačatku vajny jon vypuściŭ pieśniu «Svoj dom». Tam jość nastupnyja radki: «Tot prav, kto zaŝiŝajet svoj dom». U druhija ŭhodki vajny prezientavaŭ pieśniu «Chałodnaja ranica».
U lipieni 2024 na kancercie ŭ Talinie jon zaklikaŭ spynić vajnu. «Možna žyć u kajf, ale pakul my nie spynim vajnu, paŭnavartasna žyć u kajf u nas nie atrymajecca. Spynicie vajnu. Nichto, akramia nas, jaje nie spynić», — zajaviŭ sa sceny artyst.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary
Ci ličyć luby čytač, što sapraŭdy "tot prav, kto zaŝiŝajet svoj dom"?
I kaniešnie terytoryja kałhasu ursr, bssr ci rsfsr nijakaja nie svaja ziamla pryhonnych kałhaśnikaŭ.
Svaja heta pryvatnaŭłasnaja, taja dzie daktryna fartecyi, dzie siekčy drevy choć tysiačy hadoŭ moža haspadar, dzie nijaki kamuna ŭrbnist nia ciahnie macki zabaranić pierafarbavać dom, bo kamunaŭbranisty prahałasavali jaho nie haspadarovym, a histaryčnaj kaštoŭnaściu, dzie ŭłaśnik stavićmie, pavodle ŭłasnaje voli pomniki bafametu, stalinu, banderu, hitleru, matcy taresie ci tantału i tak dalej.