Učora stała viadoma, što HUBAZiK pahražaje adnamu z samych papularnych biełaruskich śpievakoŭ.
Nahadajem, siłaviki paviedamili, što patelefanavali śpievaku Maksu Karžu i vyklikali jaho na hutarku. Nahodaj dla hetaha staŭ nibyta «šerah skarhaŭ».
HUBAZiK byŭ niezadavoleny tym, što na jaho kancertach niekatoryja ludzi ŭzdymajuć bčb-ściahi, a samoha Karža abvinavaciŭ u padtrymcy Ukrainy ŭ vajnie.
Siońnia telehram-kanał, źviazany z HUBAZiKam (majecca na ŭvazie nieaficyjny kanał siłavikoŭ), napisaŭ, što na śpievaka pakul jašče niama nijakaj kryminalnaj spravy.
«Usie pretenzii pravaachoŭnikaŭ pa skarhach hramadzian možna źniać prostaj prafiłaktyčnaj hutarkaj», — abiacaje HUBAZiK.
Ciapier śpiavak, jak śćviardžajecca, za miažoj, jon nie zatrymany. Apošnija kancerty artysta byli ŭ inšych krainach.
***
Maks Korž — adzin z samych viadomych biełaruskich śpievakoŭ. Apošnija hady jon nie vystupaŭ u Biełarusi, bo jaho ŭnieśli ŭ čorny śpis. Praz svaju antyvajennuju pazicyju artyst nie moža davać kancerty i ŭ Rasii, dzie ŭ jaho vializnaja aŭdytoryja.
U 2022 hodzie paśla pačatku vajny jon vypuściŭ pieśniu «Svoj dom». Tam jość nastupnyja radki: «Tot prav, kto zaŝiŝajet svoj dom». U druhija ŭhodki vajny prezientavaŭ pieśniu «Chałodnaja ranica».
U lipieni 2024 na kancercie ŭ Talinie jon zaklikaŭ spynić vajnu. «Možna žyć u kajf, ale pakul my nie spynim vajnu, paŭnavartasna žyć u kajf u nas nie atrymajecca. Spynicie vajnu. Nichto, akramia nas, jaje nie spynić», — zajaviŭ sa sceny artyst.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary
- Da ačapiciesia, ja j nia viedaju ničoha...