Futbalistaŭ vylečać maciarynskija kletki ich dziaciej
Futbalisty anhielskaj premjer-lihi zachoŭvajuć maciarynskija kletki, uziatyja ad ich novanarodžanych dziaciej, kab u budučyni vykarystoŭvać ich dla lačeńnia ŭłasnych traŭmaŭ.
«Toje, što my robim, heta pakul što vialiki eksperyment. My ŭpryskvajem maciarynskija kletki dziciaci prosta ŭ traŭmavanaje kalena. I pakolki jany majuć taki samy hienetyčny kod, to pačynajuć adbudoŭvać straty, naprykład, razarvanych źviazak – kaža Pol Hryfits, dyrektar kliniki CryoGenesis International (CGI) u Liverpuli. Vyratavalnyja kletki pachodziać z zamarožanaj pupavinavaj kryvi i prydatnyja dla lačeńnia typovych dla futbołu kantuzijaŭ sustaŭnych chrastkoŭ i kalennych źviazak.
Jak piša «Sunday Times», z pasłuhaŭ CGI skarystałasia za apošni čas piać viadučych futbalistaŭ premjer-lihi. Raniej try inšyja spartoŭcy zamarozili kletki svaich naščadkaŭ u londanskaj «Smart Cells».
Niapraŭda, što my zamarozili maciarynskija kletki dziaciej vyklučna z dumkaj pra našyja traŭmy – tłumačyć adzin z futbalistaŭ, jaki, adnak, nie žadaje kazać svajo proźvišča. – Kali ŭźniknie takaja nieabchodnaść, my vykarystajem ich dla terapii samich dziaciej. Ale ŭ prafesii futbalista kožnaja traŭma moža aznačać kaniec karjery. Zamarožvańnie kletak našych dziaciej – heta jak stvareńnie sabie ramontnaha naboru. Heta sapraŭdy maje sens.
Adzinym futbalistam ź viadomym proźviščam, jaki publična abvieściŭ zamarožvańnie maciarynskich kletak svaich dziaciej, źjaŭlajecca zorka londanskaha «Arsenału» i zbornaj Francyi Ćjery Anry. Adnak jon nikoli nie kazaŭ pra toje, što chacieŭ by vykarystać ich taksama dla ratavańnia ŭłasnaha zdaroŭja. Na Brytanskich vyspach na zamarožvańnie pupavinavaj kryvi dziaciej rašyłasia za apošnija piać hod kala 11 tys. baćkoŭ. Pracedura i zachoŭvańnie kaštuje kala 1,5 tys. funtaŭ.
Hetaja terapija, jakuju na vyspach nazyvajuć «saviour offspring» (naščadak-zbaŭca), vyklikaje, adnak, etyčnyja sumnieńni, asabliva heta tyčycca eksperymentaŭ navukoŭcaŭ ź londanskaha Imperial College, jakija vyvieli sustaŭnyja chrastki z kletak embryjonaŭ.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary