Stała viadoma, jak sioleta buduć vyhladać navahodnija jełki ŭ Minsku FOTY
Sioleta centralnyja haradskija łakacyi i rajonnyja placoŭki stalicy ŭpryhožać 27 navahodnich jalinak. Pra lustranyja efiekty, šklanyja tumby i retrapaštoŭki raskazali na pradpryjemstvie «Minskrekłama», pišuć «Minsk-Naviny».
Hałoŭnaja jełka krainy na minskaj Kastryčnickaj płoščy budzie ŭpryhožanaja raskošnym čyrvona-załatym dekoram i tradycyjna nakinie piksielnuju šal. Absalutnaj navinkaj stanie siadziba Dzieda Maroza i Śniahurki, jakaja źjavicca kala jaje padnožža.
Takuju ž kolernuju hamu abrali i dla jełki na płoščy Niezaležnaści.
«U hetych kolerach buduć jak cacki, tak i całkam novyja ŭpryhažeńni ručnoj pracy — fantazijnyja zorki ź istužačnym šlejfam, jakija ŭpryhožać puchnatyja jałovyja łapy, — paviedamiła načalnica adździeła dyzajnu «Minskrekłamy» Taćciana Buharkova. — Asobnym upryhožvańniem stanie aharodža la samaj asnovy — stylizavanaja chatka, jakaja sama pa sabie źjaŭlajecca efiektnaj fotazonaj».
Tut ža, na płoščy Niezaležnaści, pabudujuć dźvie ŭpryhožanyja arki, azdoblenyja jałovymi halinkami i roznakalarovymi šarami. A taksama pastaviać abjomnyja malaŭničyja padarunki vyšynioj bolš za 2 m.
Kala Biełdziaržcyrka navahodniaje dreva ŭpryhožać šarami i frezieravanymi cackami — śniažynkami ŭsich formaŭ i pamieraŭ. Ale hałoŭnaj atrakcyjaj stanuć čatyry jarkija karkasnyja jalinki z efiektam biaskoncaha lusterka — zusim novaje rašeńnie padśviatleńnia.
«Dziatvu buduć sustrakać paciešnyja kazačnyja piersanažy, jakija ŭtulna raźmieściacca na prybranych raźbianych arkach, — udakładniła Taćciana Buharkova. — Tut ža źjavicca i ŭtulnaja navahodniaja altanka, dzie małyja i darosłyja zmohuć pryjemna pravieści čas».
Biaskoncaje lusterka vykarystali i pry ŭpryhožvańni płoščy Dziaržaŭnaha ściaha. Tolki tut jano vykarystana ŭ roznakalarovych habarytnych šarach, sumieščanych ź jełkaj u kolerach łukašenkaŭskaha ściaha.
Jašče adna jełka raźmieścicca kala Biełdziaržfiłarmonii.
«Sama jełka budzie zichacieć zołatam i dniom, i ŭ ciomny čas sutak, — raskazała Buharkova. — Na fonie asnoŭnaha adcieńnia buduć mihacieć sinija i hlancava-zialonyja «iskry» cacak. Dapoŭniać navahodniaje ŭbrańnie ažurnyja śniažynki i viertykalnyja raźbianyja elemienty pa ŭsioj vyšyni śviatočnaha dreva. Tut ža, na placoŭcy la Biełdziaržfiłarmonii, raźmieściacca dźvie novyja śvietłavyja fotazony, u jakich prahladajucca abrysy viačerniaha horada, zastyłaha ŭ čakańni navahodniaj kazki».
Kala Kamaroŭskaha rynku jalinku dapoŭniać dźvie śvietłavyja tumby žadańniaŭ, kožnaja vyšynioj u 2,5 m.
Kala Minskaha dziaržaŭnaha pałaca dziaciej i moładzi na Staravilenskim trakcie haściej budzie sustrakać nie tolki atmaśfiernaja jełka, ale i viasiołaja fotazona z paravozikam.
Na fasadzie minskaj ratušy pa tradycyi raźmieściacca stylizavanyja hadzińniki. Ich strełki zastynuć «za 5 chvilin da Novaha hoda». Dzivosnym dadatkam stanuć šklanyja piłarsy z navahodnim dekoram usiaredzinie.
«Zvyčajnyja rekłamnyja zašklonyja piłarsy pieratvoracca va ŭpryhožanyja śvietłavyja cylindry, u jakich hrajuć jarkimi farbami azdoblenyja jalinki, — patłumačyła Buharkova. — Kala ratušy ich budzie dźvie. Ale na haradskich vulicach možna sustreć jašče čatyry».
Na placoŭcy kala Pałaca sportu sioleta znoŭ zaźziaje śvietłavy šacior i zakrucicca «Kalejdaskop žadańniaŭ». Hrafičnaja kancepcyja placoŭki hetym razam vyrašanaja ŭ adcieńniach siniaha, srebnaha i ružovaha koleraŭ.
«Jełka tut zaŭsiody ź siurpryzam, — adznačyła Taćciana Buharkova. — My pakinuli toj samy połah, jaki tak palubiŭsia haściam. Navinkaj ža stanuć dvanaccać vytančanych frezieravanych arak, raśpisanych navahodnimi pažadańniami. Projdziecie pad kožnaj ź ich — i budźcie ŭpeŭnienyja, zahadanaje zbudziecca. Sioleta apory aśviatleńnia hałoŭnych transpartnych mahistralaŭ stalicy ŭpryhožać novyja karkasnyja załatyja jalinki, jakija taksama dadaduć atmaśfiery śviata».
Usiaho ŭ Minsku pastaviać 27 navahodnich jełak. Raźmieściacca jany pa nastupnych adrasach:
Zavodski rajon:
- «Čyžoŭka-Arena», Taškienckaja, 19;
- Univiermah «Biełaruś», vuł. Žyłunoviča, 4.
Leninski rajon:
- Minski haradski pałac kultury, vuł. Majakoŭskaha, 129;
- placoŭka kala kinateatra «Salut».
Maskoŭski rajon:
- pł. Niezaležnaści;
- park imia Michaiła Paŭłava;
- vuł. Napaleona Ordy;
- skvier «Palanka».
Kastryčnicki rajon:
- žyły rajon Sokał;
- vuł. Asanalijeva.
Partyzanski rajon:
- Centralny dziciačy park imia Maksima Horkaha;
- Biełaruski dziaržaŭny cyrk, pr. Niezaležnaści, 32;
- Staletava, 1.
Pieršamajski rajon:
- skvier na vuł. Kalinoŭskaha;
- placoŭka pierad Nacyjanalnaj biblijatekaj Biełarusi, pr. Niezaležnaści, 116;
- vuł. Rusijanava.
Saviecki rajon:
- placoŭka pierad Kamaroŭskim rynkam, vuł. Viery Charužaj, 8;
- Biełaruskaja dziaržaŭnaja fiłarmonija, pr. Niezaležnaści.
Frunzienski rajon:
- Ladovy pałac, vuł. Prytyckaha, 27;
- vuł. Łabanka, 94;
- park imia Uha Čaviesa.
Centralny rajon:
- Kastryčnickaja płošča;
- płošča Dziaržaŭnaha ściaha Respubliki Biełaruś;
- placoŭka kala Pałaca sportu, pr. Pieramožcaŭ, 4;
- «Minsk-Arena», pr. Pieramožcaŭ, 111;
- Pałac mastackaj himnastyki, pr. Pieramožcaŭ, 112;
- Minski dziaržaŭny pałac dziaciej i moładzi, Staravilenski trakt, 41.
U Viciebsku staviać samuju vialikuju ŭ Jeŭropie navahodniuju jełku
Da Novaha hoda ŭ Minsku pastaviać 13 novych śvietłavych kampazicyj
Jołačny kirmaš u Minsku adkryjecca 16 śniežnia
Na Kamaroŭcy pradajuć jołačnuju hirlandu za 1850 rubloŭ
«Bajsoł» abviaściŭ kaladnuju akcyju dapamohi dzieciam palitviaźniaŭ
Kamientary