«Bajsoł» abviaściŭ kaladnuju akcyju dapamohi dzieciam palitviaźniaŭ
Fond zapuściŭ akcyju «Padorym dzieciam cud!», kab stvaryć śviata dla dziaciej, čyje baćki znachodziacca za kratami z palityčnych matyvaŭ.
«Navahodnija śviaty — čas dla ciapła, lubovi i dabryni. Ale dla mnohich biełaruskich dziaciej zaraz nie chapaje najvažniejšaha: mamy ci taty pobač, bo jany znachodziacca ŭ źniavoleńni pavodle palityčnych matyvaŭ. Zamiest zvykłych radaściaŭ dziacinstva — jany vymušanyja žyć u rasstańni, z šmatlikimi ciažkaściami, ale my možam zrabić tak, kab śviatło ŭlubionych śviataŭ dasiahnuła i da ich.
Padtrymaŭšy akcyju, vy zrobicie značna bolš, čym prosta finansavy ŭdzieł: vy dorycie dzieciam vieru ŭ cud i zamacoŭvajecie siamiejnyja suviazi, jakija nie pad siłu razarvać anijakim abstavinam. Chaj kožnaje dzicia, jakoje maryć pra sustreču z baćkami, viedaje, što hety śvietły momant budzie mahčymym, i što pakul śviet vakoł doryć nadzieju i kłopat, napieradzie čakajuć lepšyja časy», — havorycca ŭ paviedamleńni «Bajsoła».
Nieabchodna sabrać 20 000 jeŭra.
Učora Minsk znoŭ zatapiła. Čamu stalica nie hatovaja da daždžoŭ?4
Kamientary