26 lutaha ŭviečary ŭ Śviatłany Kalinkinaj skanfiskavali kamputary i fłeški. U papierach śledčych jana fihuravała jak vypuskajučaja redaktarka sajta «Chartyja 97».
26 lutaha ŭviečary ŭ Śviatłany Kalinkinaj skanfiskavali kamputary i fłeški. U papierach śledčych jana fihuravała jak vypuskajučaja redaktarka sajta «Chartyja-97».
Miarkujučy z pradjaŭlenaj supracoŭnikami pravaachoŭnych orhanaŭ papiery, ahlad kvatery žurnalistki pravodziŭsia ŭ źviazku sa spravaj-vodhullem tak zvanaj «palaŭničaj spravy».
«Palaŭničaja sprava» — heta praces čatyroch vysokapastaŭlenych supracoŭnikaŭ milicyi ŭ Homielskaj vobłaści, jakija nibyta złoŭžyvali słužbovych stanoviščam, u pryvatnaści, niezakonna palavali. Akramia taho, ich vinavacili ŭ niezakonnym cisku na supracoŭnikaŭ KDB. Viarchoŭny sud pryznaŭ vinavatymi pa hetaj spravie byłych milicyjantaŭ Jermakova, Miniankova i Baranava, a milicyjanta Małajeva amnistavaŭ.
Tym časam były staršynia Homielskaha UKDB, a ciapier — Hrodzienskaha KDB, hienierał Ivan Korž padaŭ pazoŭ na svajakoŭ abvinavačanych, jakija nibyta ŭźviali na jaho paklop.
Artykuł ab toj spravie, u jakim kadebistaŭ vinavacili ŭ padtasoŭcy faktaŭ, źjaviŭsia ŭ svoj čas u Internecie — u pryvatnaści, na sajtach «Biełorusskij partizan» i «Chartyja-97».
Pa hetaj padspravie byli dapytali i pieratreśli inšuju žurnalistku «Narodnaj voli» — Marynu Koktyš. Na dopyt byli vyklikali kaardynatara inicyjatyvy «Chartyja-97» Andreja Sańnikava. Ciapier voś čarha dajšła da Śviatłany Kalinkinaj. Redki vypadak: abšukali kvateru žurnalistki.
«U mianie nichto ničoha nie pytaŭsia: ci mieła ja dačynieńnie, ci viedaju ja Karža, ci pisała ja jakijaści materyjały pra jaho, — raskazała Śviatłana Kalinkina dla radyjo «Svaboda». — Jany pačali ahlad majoj kvatery. U vyniku ŭziali na ekśpiertyzu moj kamputar i kamputar syna, fłeški i maju telefonnuju knihu.
Dla mianie hety pieratrus byŭ niečakanym i vielmi dziŭnym. Čamuści ja fihuravała ŭ papierach, jakija mnie ŭčora pakazali, jak vypuskajučaja redaktarka sajta «Chartyja-97». Ja daŭniaja čytačka hetaha sajtu, ale nikoli nie mieła nijakaha dačynieńnia da jaho vypusku».
Śviatłana Kalinkina miarkuje, što «nie tak pakryŭdziŭsia toj Ivan Korž, jak heta stała nahodaj dla zapałochvańnia žurnalistaŭ, kab znajści krynicy, jakimi karystajucca niezaležnyja žurnalisty i kab, naohuł, adbić achvotu ŭ žurnalistaŭ kranać temu KDB i ŭładnych strukturaŭ».
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary