Sinoptyk Dźmitryj Rabaŭ u efiry ANT paviedamiŭ, što ŭ pieryjad z 26 studzienia pa 1 lutaha ŭ Biełarusi čakajecca prykmietnaje paciapleńnie, ale nadvorje budzie niestabilnym i kapryznym.
Pavodle słoŭ Rabava, studzień raźvitvajecca ź zimoj adnosna miakka: paśla praciahłych marazoŭ u krainu pačnie pastupać ciopłaje pavietra z poŭdnia, z rajona Mižziemnaha mora. Adnak sapraŭdnaha kamfortu čakać nie varta — zamiest jaho biełarusaŭ sustrenuć źmiešanyja apadki: śnieh, mokry śnieh i doždž. Nadvorje budzie pachmurnaje, vilhotnaje, vietranaje, z tumanami i tempieraturaj, typovaj dla adlihi.
Razam z tym sinoptyk adznačyŭ i stanoŭčy momant: štodzień śvietłavy čas pavialičvajecca prykładna na try chviliny, i heta aznačaje, što ruch da viasny ŭžo pačaŭsia.
U paniadziełak, 26 studzienia, na terytoryju krainy pryjduć aktyŭnyja atmaśfiernyja franty z poŭdnia Jeŭropy. Čakajecca pachmurnaje nadvorje, śnieh i mokry śnieh, a dniom na zachadzie i paŭdniovym zachadzie mahčymy doždž. Na darohach budzie ślizka, viecier — paŭdniova-ŭschodni, paryvisty. Unačy tempieratura składzie ad −2 na paŭdniovym zachadzie da −14 na paŭnočnym uschodzie, udzień — ad +1 da −7 hradusaŭ.
U aŭtorak, 27 studzienia, viecier źmienicca na paŭdniovy i pryniasie bolš ciopłaje, ale ŭsio jašče vilhotnaje pavietra. Tempieratura rezka pavysicca: unačy ad +2 na poŭdni da −4 na poŭnačy, udzień — ad +3 da −2 hradusaŭ. Pry hetym zachavajucca apadki i mocnyja paryvy vietru.
U sieradu, 28 studzienia, upłyŭ atmaśfiernych frantoŭ praciahniecca. Apadki prahnazujucca ŭ mnohich rehijonach, asabliva intensiŭnyja — na zachadzie krainy. Miescami mahčymyja tumany i hałalod. Unačy budzie ad 0 da −6 hradusaŭ, udzień — ad +1 u Breście da −5 u Viciebsku.
U čaćvier, 29 studzienia, Biełaruś znoŭ nakryje chvala apadkaŭ z zachadu. Čakajucca mokry śnieh i doždž, syroje i vilhotnaje nadvorje, tumany i słabaja hałalodzica. Viecier — paŭdniovy, paryvisty. Tempieratura na praciahu sutak — ad −3 da +3 hradusaŭ, ale adčuvacca budzie na niekalki hradusaŭ chaładniej.
U piatnicu, 30 studzienia, istotnych źmien nie pradbačycca: u bolšaści rajonaŭ zachavajucca apadki, viecier i vierahodnaść tumanaŭ i hałalodu. Tempieraturny fon zastaniecca raniejšym.
U vychadnyja, 31 studzienia i 1 lutaha, nadvorje budzie vyznačacca atmaśfiernymi frantami Bałtyjskaha cykłonu. Viecier stanie paŭdniova-zachodnim i paryvistym. Miescami mahčymyja tumany i ślizkija ŭčastki na darohach. U subotu na ŭschodzie krainy prahnazujucca mokry śnieh i doždž, unačy kala 0 hradusaŭ, udzień — ad −1 da +4. U niadzielu apadki raspaŭsiudziacca amal pa ŭsioj terytoryi Biełarusi, a tempieratura jak dniom, tak i ŭnačy budzie trymacca kala nula.
Kamientary