Nieruchomaść55

Interjer hetaj staličnaj kvatery adznačany mižnarodnaj premijaj dyzajnu. Voś za kolki jaje pradajuć

Žyllo, pra jakoje pojdzie havorka, znachodzicca ŭ adnym sa šmatpaviarchovikaŭ ŽK «Alimpik park». Interjer hetaj kvatery staŭ finalistam mižnarodnaj premii dyzajnu 2024 Kukha Design Award.

Sučasnaja «dvuchpakajoŭka», jakaja kaliści była kvateraj svabodnaj płaniroŭki, raźmiaściłasia na kamfortnym čaćviortym paviersie ŭ małapaviarchovym domie 2020 hoda, piša «Anłajnier». Ahulnaja płošča žylla — 121 «kvadrat», pad žyłyja zadziejničali 110 mietraŭ. Stoli tut pa 3 mietry. Akonnyja i dźviarnyja prajomy pa prajekcie pavialičany, ścieny i padłoha izalavany ad šumu.

U abjavie pišacca, što dyzajnier prajekta staviŭ pierad saboj metu zachavać maksimum prastory i pavietra ŭ pamiaškańniach, a taksama praduhledzieć vialikuju kolkaść miescaŭ zachoŭvańnia biez vykarystańnia harderobnych.

U kalidory raźmiaścili lustranuju šafu, jakaja nie tolki vizualna pašyraje prastoru, ale i źmiaščaje pralnuju i sušylnuju mašyny. Padłohi ŭ kvatery viniłavyja, z kasoj kładkaj.

Haścinuju abjadnali z kuchniaj. Vokny tut nievialikija, ale ich dapaŭniaje aryhinalny kruh-sonca na stoli, jaki, pa zadumcy dyzajniera, słužyć imitacyjaj druhoha śviatła.

Tut ža prysutničaje efiektnaje śvietłavoje pano, jarkaść jakoha možna rehulavać.

Takoje ž pieramiennaje śviatło pradumana ŭ zonie dušavoj. Kuchnia hladzicca efiektna za košt vyspy i šafy-vitryny, u jakoj schavali vyciažku.

U spalni ŭźviali ścianu-padhałoŭje. Jana vykonvaje dźvie funkcyi: zanuje prastoru i chavaje ad vačej łožak z padjomnym miechanizmam i masažam, jaki padładžvajecca pad erhanomiku cieła. Spalnaje miesca razharnuli da akna ź vidam na voziera i zapaviednik z zachodami sonca. Apornuju kałonu ŭ pakoi aformili lusterkam.

Sanvuzłoŭ u kvatery dva: adzin aformleny kieramahranitam, druhi — kamieniem i drevam.

Asnoŭnaja častka mebli ŭ kvatery ŭbudavanaja i vykanana pad zakaz. Ścieny aformleny mastackim rośpisam i dekaratyŭnaj tynkoŭkaj z teksturaj soft-tač. U mebli vykarystany farbavanaja MDF z frezieroŭki, špon, škło i lusterki.

Uładalniki kvatery hatovyja rasstacca ź joj za $499 tysiač.

Terytoryja «Alimpik park» zakrytaja šłahbaumam. Unutrany dvor biez mašyn i znachodzicca pad kruhłasutačnym videanazirańniem. Na pieršym uzroŭni doma raźmieščany parkinh, dzie možna nabyć va ŭłasnaść mašyna-miesca.

Kamientary5

  • Jo
    29.11.2024
    Mižnarodnaja premija paśla huhleńnia akazvajecca biełaruskaj premijaj. Sam dyzajn vyhladaje davoli sastarełym, piacihadovaj daŭniny. Ale bieleńka, čaścieńka. Chatniaj utulnaści minimum. Za hety minimum ja by paŭ lama baksaŭ nie addavaŭ. Uvohule, dzivu daješsia jak sučasnaja architektura i dyzajn paśpiavaje chutka stareć. 10 hadoŭ dla ich viečnaść, praz 10 hadoŭ byłyja miłośniki pačynajuć varacić nosam i kazać "fu, nie aktualna".
  • 1
    29.11.2024
    Vyhladaje zdorava, ale vyšejšyja stoli i bolš miesca kudy pryjemniej za ŭsie hetyja navaroty. Heta prosta maleńkaja kvatera u panelcy, za paŭmiljony dalaraŭ možna atrymać kudy lepšaje žytło.
  • Ciaplej treba
    29.11.2024
    Sudziačy pa chałodnaści tanoŭ heta chutčej ofis, a nie kvatera.

Ciapier čytajuć

Łukašenka nacyjanalizavaŭ «Amkador». Šakucin staŭ prostym biełaruskim piensijanieram1

Łukašenka nacyjanalizavaŭ «Amkador». Šakucin staŭ prostym biełaruskim piensijanieram

Usie naviny →
Usie naviny

«Ich taktyka jość i budzie — chłusić i vinavacić». Va Ukrainie adreahavali na zajavu Pucina adnosna 30-dzionaha pieramirja

Pucin: My zhodnyja z prapanovami spynić bajavyja dziejańni, ale jość niuansy15

Paśla napadak praŭładnych aktyvistaŭ u Minsku zakryli vystavu «Biełaruski biestyjaryj»8

Usie kamiery na darohach pačali łavić aŭto nie tolki za chutkaść25

Ukraina abvinavaciła Signal u sadziejničańni Rasii8

U Minsku milicyja siońnia ačapiła terytoryju vakoł HUMa

«Nafih ja siudy pryjšoŭ?» Łaŭroŭ nie strymaŭ emocyj pierad sustrečaj Pucina i Łukašenki VIDEA10

Łukašenka pryjechaŭ u Kreml ź luksavym remieniem Hermes FOTAFAKT20

Ci mohuć ZŠA vyvieści z ładu ŭzbrajeńni, jakija pastaŭlajucca Jeŭropie?1

bolš čytanych navin
bolš łajkanych navin

Łukašenka nacyjanalizavaŭ «Amkador». Šakucin staŭ prostym biełaruskim piensijanieram1

Łukašenka nacyjanalizavaŭ «Amkador». Šakucin staŭ prostym biełaruskim piensijanieram

Hałoŭnaje
Usie naviny →

Zaŭvaha:

 

 

 

 

Zakryć Paviedamić